မန္တလေး တိုင်းတရားလွှတ်တော်ရုံး နဲ့ ဥပဒေချုပ် ရုံး ဖွင့်ပွဲကို မနက်ဖြန် ဇန်နဝါရီလ ၂၂ ရက်မှာ ကျင်းပဖို့ စစ်ကောင်စီက စီစဉ်ထားတာကြောင့် မန္တလေးမှာ လုံခြုံရေးပိုမိုတင်းကြပ်ထားတယ်လို့ မြို့ခံတွေဆီကသိရပါတယ်။
အဲဒီဖွင့်ပွဲကို စစ်ကောင်စီအရာရှိကြီးတွေတက်ရောက်ဖို့ရှိတယ်လို့သိရပြီး ဖွင့်ပွဲလုပ်မယ့် ရုံး ပတ်ဝန်းကျင်မှာ လုံခြုံရေးချထားသလို လမ်းကိုလည်းအသွားအလာပိတ်ထားပါတယ်။
ဒါ့အပြင် မြို့တွင်းလမ်းတွေတင်သာမက လူအသွားအလာနည်းပါးတဲ့လမ်းမနေရာတွေကိုပါ စစ်ဆေးမှုတွေပြုလုပ်နေပါသေးတယ်။
စစ်ကောင်စီကဖွင့်လှစ်မယ့် တိုင်းတရားလွှတ်တော်နဲ့ ဥပဒေချုပ်ရုံးကို NLD အစိုးရလက်ထက်ကတည်ဆောက်ခဲ့တာဖြစ်ပါတယ်။
ဖွင့်ပွဲမလုပ်ခင်ရက်ပိုင်းအလိုကတော့ ဖွင့်ပွဲလုပ်မယ့် နေရာအနီးနားမှာ ပေါက်ကွဲမှု ဖြစ်ခဲ့ပါသေးတယ်။