Connect with us

Hi, what are you looking for?

News

အရေးပေါ်အကူအညီများပေးနိုင်ရန် ပဋိပက္ခဖြစ်ပွားရာဒေသများသို့ သွားလာခွင့် လိုအပ်နေဟု OCHA ထုတ်ပြန်

(ကရင်နီပြည်နယ်ရှိ နောင်လုံနှင့် ကွန်နားရွာကို အကြမ်းဖက်စစ်ကောင်စီတပ်က မီးရှို့ဖျက်ဆီးနေသည်ကို ၂၀၂၁ ဒီဇင်ဘာ ၁၈ရက်က တွေ့ရစဥ်၊ ဓာတ်ပုံ - KNDF)

လူသားချင်းစာနာမှုလုပ်ငန်းဆောင်ရွက်နေသူများသည် အရေးပေါ်အကူအညီများပေးနိုင်ရန် ပဋိပက္ခဖြစ်ပွားရာဒေသများသို့ သွားလာခွင့် လိုအပ်နေကြောင်း ကုလသမဂ္ဂလူသားချင်းစာနာမှုဆိုင်ရာညှိနှိုင်း‌ရေးရုံး (OCHA)က ယနေ့(ဇန်နဝါရီ ၂၆ ရက်) ထုတ်ပြန်သည်။

ဆက်လက်ဖြစ်ပွားနေသည့် ပဋိပက္ခ၊ မတည်ငြိမ်သည့် လုံခြုံရေးအခြေအနေနှင့် သွားလာခွင့်မရခြင်းတို့ကြောင့် လူသားချင်းစာနာမှုလုပ်ငန်း ဆောင်ရွက်သူများသည် အကာအကွယ်ပေးရေးဆိုင်ရာဝန်ဆောင်မှုနှင့် အရေးပေါ်အကူအညီများကို လိုအပ်နေသူများထံပေးအပ်ရန် ခဲယဉ်းနေသည်ဟု OCHA က ဆိုသည်။

မြန်မာနိုင်ငံအနောက်မြောက်ပိုင်း၊ အရှေ့တောင်ပိုင်းတွင် စစ်တပ်နှင့် တိုင်းရင်းသားလက်နက်ကိုင်များ၊ ပြည်သူ့ကာကွယ်ရေးတပ်ဖွဲ့ဝင်များအကြား ဖြစ်ပွားသော တိုက်ပွဲများသည် ပိုမိုပြင်းထန်လာပြီး လက်နက်ကြီးအသုံးပြုမှု၊ လေကြောင်းမှ တိုက်ခိုက်မှုများရှိနေကြောင်း OCHA ၏ အစီရင်ခံစာ၌ ဖော်ပြသည်။

အဆိုပါပြင်းထန်သည့် တိုက်ပွဲများကြောင့် အရပ်သားပိုင် ပစ္စည်းပျက်စီးဆုံးရှုံးရမှု၊ နေရပ်စွန့်ခွာထွက်ပြေးရမှုများ ရှိနေပြီး ဇန်နဝါရီလ ၁၇ ရက်တွင် ရရှိသည့် ကိန်းဂဏန်းများအရ စစ်ကိုင်း၊ ချင်းနှင့် မကွေး တို့ရှိ ပြည်သူများအပါအဝင် လူဦးရေ ၁၆၇,၈၀၀ ခန့်သည် အိုးအိမ်စွန့်ခွာ ထွက်ပြေးခဲ့ကြရကြောင်း ဆက်လက်ဖော်ပြသည်။

Public Service Announcement

Public Service Announcement

Public Service Announcement

ထို့အပြင် ၂၀၂၁ မေလလယ်ကတည်းက နေအိမ်အလုံးပေါင်း ၁,၈၄၀၊ ခရစ်ယာန်ဘုရားကျောင်းများအပါအဝင် အခြားအရပ်သားပိုင်ပစ္စည်းများစွာ ပျက်စီးဆုံးရှုံးခဲ့ရကြောင်းလည်း OCHA က အစီရင်ခံသည်။

တချိန်တည်းတွင် ကယား၊ ကရင်၊ ရှမ်း၊ မွန်၊ တနင်္သာရီနှင့် ပဲခူးတို့ရှိ ပြည်သူများ အပါအဝင် လူဦးရေ ၂၁၇,၉၀၀ ခန့်သည် မြန်မာနိုင်ငံအရှေ့တောင်ပိုင်းတွင် တိုက်ပွဲ‌ရှောင် ထွက်ပြေးခဲ့ကြ ရကြောင်း OCHA က ဆိုသည်။

ဆက်စပ်သတင်းများ

သတင်း

အရှေ့တောင်အာရှ နိုင်ငံများ အစည်းအရုံး (အာဆီယံ)ရဲ့ မြန်မာနိုင်ငံဆိုင်ရာ အထူးကိုယ်စားလှယ်ရဲ့ သုံးရက်တာမြန်မာနိုင်ငံခရီးစဥ်မှာ စစ်ရှောင် မိသားစု ၁၁၀၀၀ ဝန်းကျင်အတွက် လူသားချင်း စာနာမှု အကူအညီတွေ ဖြန့်ဝေမှု အစီအစဉ်ကို အစပြုပေးခဲ့ပါတယ်။

အတွေးအမြင်

ကမ္ဘာကြီးက စစ်ပွဲတွေကို အမြဲတမ်း တူညီတဲ့မျက်လုံးနဲ့ မကြည့်တတ်ပါဘူး။ တချို့သော ပဋိပက္ခတွေဟာ ကမ္ဘာ့မီဒီယာတွေရဲ့ အာရုံစိုက်မှု၊ နိုင်ငံတကာရဲ့ သံတမန်ရေးဖိအားနဲ့ လူသားချင်းစာနာမှုဆိုင်ရာ အကူအညီတွေကို အလျင်အမြန် ရရှိကြပေမယ့် တချို့ကတော့ နှစ်ပေါင်းများစွာ လူသားဆုံးရှုံးမှုတွေနဲ့အတူ ဆက်လက်ဖြစ်ပွားနေသော်လည်း တိတ်တဆိတ် မေ့လျော့ခံနေရတတ်ပါတယ်။

ဆောင်းပါး

စစ်အာဏာသိမ်းမှုနောက်ပိုင်း ပဋိပက္ခတွေနဲ့ အကျပ်အတည်းတွေကြားမှာ မြန်မာနိုင်ငံက ကလေးငယ်တွေဟာ မရေရာမှုတွေနဲ့ ပြည့်နှက်နေတဲ့ ဘဝကို ဖြတ်သန်းရင်း နေ့စဉ် အသက်အန္တရာယ်တွေနဲ့ နီးကပ်စွာ ရှင်သန်နေကြရပါတယ်။ ဒီလို စိုးရိမ်ဖွယ်အခြေအနေတွေကြားမှာ ရှင်သန်နေကြရတဲ့ ကလေးတွေရဲ့ အသက်ကို ကာကွယ်ပေးဖို့ နိုင်ငံတကာက အကူအညီဆိုတာ တကယ်အားကိုးစရာ မျှော်လင့်ချက်တစ်ခုပါ။

သတင်း

စစ်တပ်အာဏာသိမ်းပြီးချိန် ကတည်းက စတင်လာတဲ့ ပဋိပက္ခတွေအတွင်း သေဆုံးသူ တစ် သိန်းကျော်လွန်သွားပြီလို့ မြန်မာ့အရေး စောင့်ကြည့်လေ့လာနေတဲ့ အဖွဲ့အစည်း တစ်ခုက ထုတ်ပြန်ခဲ့ပါတယ်။