အင်းတော်မြို့နယ်အတွင်း အကြမ်းဖက်စစ်ကောင်စီတပ်၏ ထောက်ပို့ယာဥ်တန်းအား သုံးနေရာခွဲ၍ တိုက်ခိုက်ခဲ့ကြောင်း Indaw Revolution-IR က ယနေ့(ဇန်နဝါရီ ၂၇)ထုတ်ပြန်သည်။
ယနေ့နံနက်ပိုင်းက သပိတ်ကျင်း၊ တွင်းငယ်ဘက်မှ မိုးညှင်းမြို့ဘက်သို့ တက်လာသော အစီး ၃၀ပါစစ်ကောင်စီတပ် ထောက်ပို့ယာဥ်တန်းကို အင်းတော်မြို့နယ် အင်းတော်-မဲဇာကြား(၁)နေရာ၊ အင်းတော်-မော်လူးကြား(၂)နေရာ တို့တွင် တိုက်ခိုက်ခဲ့ခြင်းဖြစ်ကြောင်း ထုတ်ပြန်ချက်တွင် ဖော်ပြသည်။
“ကားနဲ့ စခများ အထိအခိုက် အကျအဆုံးများနိုင်ပြီး ဒဏ်ရာရတဲ့ စခတွေကိုလည်း ကားနဲ့တင်သွားကြောင်း သိရပါတယ်။ မိမိတို့ရဲဘော်များ အထိအခိုက်မရှိ ဘေးကင်းစွာ ဆုတ်ခွာနိုင်ခဲ့ပါတယ်”ဟု IR က ထုတ်ပြန်သည်။
တိုက်ခိုက်မှုများအနက် အင်းတော်-မော်လူးကြား (၂)နေရာတွင် KIA နှင့် I.PDF ပူပေါင်းတပ်ဖွဲ့များမှ RPG အပါအဝင် အခြားလက်နက်ကြီးများဖြင့်လည်ကောင်း၊ မိုင်း ၅ လုံးဆွဲသည့်အပြင် လက်နက်များဖြင့် ကျည်ကုန်သည့်အထိ ကြားဖြတ်တိုက်ခိုက်ခဲ့ကြောင်း ထုတ်ပြန်ထားသည်။