ရန်ကုန်မြို့တွင် ပြုလုပ်သည့် သပိတ်စစ်ကြောင်းသို့ သွားရောက်သော Yangon Revolution Force – YRF ၏ Soft Strike Communityမှ လူငယ်လေးဦးကို အကြမ်းဖက်စစ်ကောင်စီအဖွဲ့က ဖမ်းဆီးသွားကြောင်း YRF က ထုတ်ပြန်သည်။
ယနေ့ (ဇန်နဝါရီ ၂၉ရက်) ညနေတွင်ပြုလုပ်မည့် “ တော်လှန်ပုန်ကန်မယ့် ရန်ကုန်” သပိတ်သို့အသွား အကြမ်းဖက်စစ်ကောင်စီ၏ ဖမ်းဆီး ခံခဲ့ရခြင်းဖြစ်သည်။
ဖမ်းဆီးထိန်းသိမ်းခံရချိန်တွင် အကြမ်းဖက် စစ်ကောင်စီတပ်သားများ၏ နှိပ်စက်ခြင်းကြောင့် ထိခိုက်ဒဏ်ရာများစွားရရှိခဲ့သည်ဟု မျက်မြင်တွေ့ရှိသူ ပြည်သူများ၏ ပြောကြားချက်ကို ကိုးကား၍ YRF၏ ထုတ်ပြန်ချက်၌ ဖော်ပြထားသည်။
ဖမ်းဆီးထိန်းသိမ်းခံ ဒီမိုကရေစီလိုလားသူတက်ကြွလှုပ်ရှားသူ လူငယ်များသည် ဖမ်းဆီးထိန်း သိမ်းခံရချိန်တွင် ကျန်းမာကောင်းမွန်စွာရှိနေပြီး စစ်ကောင်စီ၏ လူမဆန်သည့် ညှဉ်းပန်းနှိပ်စက်မှုများနှင့် အသက်အန္တရာယ် ထိခိုက်မှုရှိမည်ကို မိသားစုဝင်များမှစိုးရိမ်နေကြသည်ဟု လည်း အသိပေးထားသည်။
Public Service Announcement
