'/%3E%3C/svg%3E){kind=small}
မန္တလေးမြို့မှာ လူသိများတဲ့ ဆရာဂျီးမုန့်ဟင်းခါး ဆိုင်ကို စစ်ကောင်စီတပ်ဖွဲ့ဝင်တွေ ဒီနေ့မှာ ဝင်ရောက်စီးနင်းကာ ဆိုင်ရှင်ကို ဖမ်းဆီးသွားတယ်လို့အနီးပတ်ဝန်းကျင်ဒေသခံတွေဆီကသိရပါတယ်။
ဆရာဂျီး မုန့်ဟင်းခါး ဆိုင်ရှင်ကိုစစ်ကောင်စီက ဘာကြောင့် ဖမ်းဆီးလဲဆိုတာကို အတည်ပြုလို့မရသေးပါဘူး။
ဒီလိုဖမ်းဆီးတာဟာ စစ်ကောင်စီခေါင်းဆောင်သိက္ခာမရှိအောင် အွန်လိုင်းမှာရေးသားတာနဲ့အသံတိတ်သပိတ်ကို လှုံဆော်တာကြောင့်လို့ စစ်ကောင်စီထောက်ခံသူတွေကတော့ ဖေ့ဘွတ်ခ်မှာရေးသားနေကြပါတယ်။
တဆက်တည်းမှာပဲ ဆိုင်ကို စစ်ကောင်စီတပ်တွေဝင်စီးတဲ့ ရုပ်သံဖိုင်လည်း လူမှုကွန်ရက်မှာ စစ်ကောင်စီလိုလားသူတွေက မျှဝေနေကြတာတွေ့ရပါတယ်။
Public Service Announcement
စစ်ကောင်စီဟာ အာဏာသိမ်း နှစ်ပတ်လည်နေ့မှာ ပြုလုပ်မယ့်အသံတိတ်သပိတ်အောင်မြင်မှာကို ထိတ်လန့်နေတဲ့အတွက် လူထု ခြောက်ခြားအောင် ဖမ်းဆီးပြတာတွေ လုပ်ပြနေတာလို့ စစ်အာဏာရှင်ဆန့်ကျင်ရေး အင်အားစုတွေက ပြောကြပါတယ်။
ဖေဖော်ဝါရီလ ၁ ရက်မှာ ကျင်းပမယ့် အသံပိတ်သပိတ်ကို နှိုးဆော်ရင် ၊ ပါဝင်ရင် ဥပဒေပေါင်းစုံနဲ့အရေးယူမယ်လို့ စစ်ကောင်စီက ခြိမ်းခြောက်ထားပါသေးတယ်။
