ကရင်နီ(ကယား)ပြည်နယ် လွိုင်ကော်မြို့အနီးပတ်ဝန်းကျင်တွင် ယနေ့(ဖေဖော်ဝါရီ ၉ရက်) နံနက်ပိုင်း၌ ပစ်ခတ်မှုများဆက်ဖြစ်နေကြောင်း လွိုင်ကော်မြို့ခံတစ်ဦးက ပြောသည်။
“ဒေါဥခူအနောက်ခြမ်း ကွက်ဟောင်းဘက်ရယ်၊ထောင်ရယ်၊ အနောက်ဘက်ရယ်မှာ ဖြစ်တယ် လို့ကြားတယ်။ မြို့အစွန်လေးတွေပေါ့”ဟု ၎င်းက ဆိုသည်။
လက်ရှိတွင် စစ်ဘေးတိမ်းရှောင်နေသည့် လွိုင်ကော်မြို့ခံအချို့ မြို့ပေါ်တွင် ပြန်လည်နေထိုင်မှု ရှိသော်လည်း တိုက်ပွဲများ ပိုမိုဖြစ်လာနိုင်သည်ဟုယူဆပြီး မပြန်သေးသူများလည်းရှိကြောင်း လွိုင်ကော်မြို့ခံက ပြောသည်။
တိုးတက်သော ကရင်နီပြည်သူ့အင်အားစု(PKPF)ကလည်း ယနေ့နံနက်တွင် လွိုင်ကော်အနီး တဝိုက် တိုက်ပွဲပြင်းထန်နေကြောင်း ဖော်ပြထားသည်။
Public Service Announcement
ကရင်နီဒေသ ကာကွယ်ရေးတပ်ဖွဲ့များနှင့် စစ်ကောင်စီတပ်တို့သည် ဖေဖော်ဝါရီ ပထမပတ် အတွင်း တိုက်ပွဲ ၄ကြိမ်ထက်မနည်းဖြစ်ခဲ့ပြီး စစ်ကောင်စီတပ်မှ ၁၇ဦးထက်မနည်း သေဆုံးခဲ့သည်ဟု ဆိုသည်။
