မန္တလေး အောင်ပင်လယ်ရပ်ကွက်က နေအိမ်တွေကို စစ်ကောင်စီတပ် ဝင်မွှေနေ

မန္တလေး ၊ချမ်းမြသာစည်မြို့နယ်၊ အောင်ပင်လယ်ရပ်ကွက်အတွင်းရှိ နေအိမ်အချို့ကို ဒီနေ့မနက်ပိုင်းမှာ စစ်ကောင်စီတပ်တွေ လိုက်လံစစ်ဆေးနေတယ်လို့သိရပါတယ်။

ဒီနေ့ နံနက်အစောပိုင်းလောက်ကစတင်ကပြီး အောင်ပင်လယ်ရပ်ကွက်အတွင်းဝင်ရောက်နိုင်တဲ့ မြို့ပတ်လမ်းနဲ့ ရွာလယ်လမ်း၊ မနော်ဟရီလမ်းနဲ့ ၄၈လမ်းတို့အပြင် ရပ်ကွက်ထဲ ဝင်ပေါက်အားလုံး ကို ပိတ်ဆို့ပြီးနောက် နေအိမ်တွေကိုစစ်ဆေးနေတာဖြစ်ပါတယ်။

လက်ရှိအချိန်ထိနေအိမ်အချို့ကို ဆက်လက်ရှာဖွေနေဆဲလို့သိရပြီး လမ်းသွားလမ်းလာတွေကို လည်း လှည့်ပြန်ခိုင်းတာတွေလုပ်နေပါတယ်။

ဒီနေ့မနက်ပိုင်းကတော့ မနော်ဟရီလမ်း၊ ၄၈ လမ်းထောင့်မှာ ” သေတတ်သည်” လို့ရေးထားတဲ့ ပုံးကို စစ်ကောင်စီတပ်တွေ လာရောက်စစ်ဆေးချိန် ပေါက်ကွဲမှုဖြစ်ခဲ့ပါသေးတယ်။

Public Service Announcement

စစ်ကောင်စီတပ်တွေဟာ ဒီရက်ပိုင်းတွေမှာ မန္တလေး မှာ ပိတ်ဆို့စစ်ဆေးတာတွေကို ဆက်တိုက်ဆိုသလို လုပ်ဆောင်နေပါတယ်။

မနေ့က တော့ မဟာအောင်မြေမြို့နယ် ၊စိန်ပန်းရပ်က နေအိမ်တွေကို တနေ့ကုန်နီးပါး စစ်ဆေးတာတွေလုပ်ခဲ့တာရှိပါတယ်။