ကယားနှင့်စစ်ကိုင်း တိုက်ခိုက်ခံနေရချိန်တွင် တစ်နိုင်ငံလုံး ထကြွကြရန် ခရမ်းPDFခေါင်း​ဆောင် ကိုမီးပွားတိုက်တွန်း

အကြမ်းဖက်စစ်​ကောင်စီတပ်က ကယားပြည်နယ် နှင့် စစ်ကိုင်းတိုင်းကို စစ်ဆင်​ရေးပြုလုပ်​တိုက်ခိုက်နေချိန်တွင် အင်အားပြန့်ကျဲနေ​သော​ကြောင့် တစ်နိုင်ငံလုံး ထကြွသင့်ကြောင်း ခရမ်းမြို့နယ်ပြည်သူ့ကာကွယ်ရေးတပ်ဖွဲ့ခေါင်းဆောင် ကိုမီးပွားက တိုက်တွန်းပြောကြားသည်။

“ခုချိန်မှာ ရန်ကုန်၊ပဲခူး၊ မန်းလေး၊ ဧရာဝတီ အကုန်လုံးလှုပ်ကြဖို့လိုပါပြီ။ကယားနဲ့ စစ်ကိုင်းကိုဖိနေတဲ့အတွက် စကစအင်အား ပြန့်ကျဲနေပါပြီ အချိန်ကောင်းဖြစ်တဲ့အတွက် အကုန်ရုန်းထလိုက်ရင် အောင်ပြီး ပြိုင်တူတွန်းကြပါစို့”ဟု ၎င်းက ပြောသည်။

နေရာစုံထကြွချိန်တွင် တော်လှန်ရေးအင်အားစုများ အားကောင်းရန် လိုအပ်သလို ပြည်သူများ၏ ပါဝင်မှုကလည်းအရေးပါပြီး ပြည်သူ့ကာကွယ်ရေးတပ်များအတွက် လက်နက်၊ခဲယမ်းများ အဓိကလိုအပ်ကြောင်း ကိုမီးပွားက လူထုနွေဦးမှတစ်ဆင့် ပြောသည်။

“ခေတ်ပြောင်း စနစ်ပြောင်း တော်လှန်ရေးဖြစ်တဲ့အတွက် တော်လှနိရေးအချိန် ကြာနိုင်သလို မြန်လည်းမြန်နိုင်ပါတယ်။ ခက်ခဲမှုတွေတော့ရှိမှာဘဲ ကျတော်တို့အားလုံး ပြည်သူနဲ့အတူ ရုန်းထကြရပါမယ်၊ နိုင်ပြီးသားဖြစ်တဲ့အတွက် အောင်စိတ်နဲ့ယုံကြည်မှုအပြည့်နဲ့ တော်လှန်ကြရင် အောင်ပါပြီ။ဘယ်လိုခက်ခဲနေပါစေစိတ်မပျက်နဲ့ ၊ရှေ့ဆက်မယ်သွေးမပျက်နဲ့၊ ရှေ့ဆက်မယ်၊မီးပွါးတွေစုရင် မီးဟုန်းဟုန်းတောက်ရမယ်အရေးတော်ပုံအောင်ပြီ”ဟု ၎င်းက ဆက်ပြောသည်။

Public Service Announcement

နေရာစုံထကြွမှုကြောင့် အကျိုးရလဒ်ကောင်းမည်ဟု မျှော်လင့်ထားသလို အဆိုးဆုံးအတွက်လည်း ပြင်ဆင်ထားရမည်ဟု ၎င်းက ဆိုသည်။

လတ်တလောတွင် ခရမ်းမြို့နယ်၌ သေနတ်သံ၊ဗုံးသံကြားပါက မြို့အဝင်၊အထွက်ပိတ်မည်ဟု အကြမ်းဖက်စစ်ကောင်စီက ဖေဖော်ဝါရီ ၂၄ ရက်တွင် လုပ်ငန်းရှင်များကို စစ်​ကောင်စီက ခြိမ်းခြောက်ထားကြောင်း ၎င်းကပြောသည်။