ကိုဗစ်ပထမလှိုင်းကတည်းက ပိတ်ထားသည့် ရုပ်ရှင်ရုံများကို မြန်မာ့နှစ်ဆန်း ၁ ရက်တွင် ပြန်လည်ဖွင့်လှစ်ရန်စီစဉ်နေကြောင်း ရုပ်ရှင်အစည်းအရုံး တာတန်ရှိသူတစ်ဦးကပြောကြားသည်။
“ပြန်ဖွင့်ဖို့တော့ ဆွေးနွေးနေကြတယ်။ နှစ်ဆန်းတစ်ရက်နေ့လောက်ဖွင့်နိုင်အောင် စီစဉ်နေတယ်”ဟု အထက်ပါတာဝန်ရှိသူကပြောသည်။
ရုပ်ရှင်ရုံများကို မြန်မာနိုင်ငံတွင် ကိုဗစ်စတင်တွေ့ရှိသည့် ၂၀၂၀ မတ်လအတွင်း၌ စတင်ပိတ်ခဲ့ခြင်းဖြစ်ပြီး ပိတ်ထားသည်မှာ နှစ်နှစ်ပြည့်တော့မည်ဖြစ်သည်။
“ဘယ်ဇာတ်ကားတွေရုံတင်မလဲဆိုတာလည်း ဆွေးနွေးနေတယ်”ဟု အထက်ပါတာဝန်ရှိသူကပြောသည်။
Public Service Announcement
တန်းစီဇယားအရ ရုပ်ရှင်ရုံများ ပြန်လည်ဖွင့်ခွင့်ရပါက မြင့်မြတ် ၊ယုန်လေးတို့ ပါဝင်သရုပ်ဆောင်ထားသည့် အော်ရီဂျင်နယ်ဂန်းစတား ၃ ရုံတင်ရမည်ဖြစ်သည်။
သို့သော်လည်း ပြည်သူများက အကြမ်းဖက်စစ်ကောင်စီကို ထောက်ခံသည့် အနုပညာရှင်များပါဝင်သည့် ဇာတ်ကားများ ပြသပါက ကြည့်ရှုခြင်းမပြုရန် တိုက်တွန်းထားသည်။
