ထိုင်းနိုင်ငံထဲကို ဝင်ရောက်ဖို့အတွက် ကုန်စိမ်းကားထဲ ပုန်းခို လိုက်ပါလာတဲ့ မြန်မာနိုင်ငံသား ၅၃ ဦးကို ဒီနေ့မနက်ပိုင်းက မဲဆောက်မှာ ထိုင်းရဲက ဖမ်းမိတယ်လို့ မဲဆောက်မီဒီယာက ဖော်ပြပါတယ်။
ဒီနေ့မနက် အစောပိုင်းမှာ မြဝတီမြို့တဖက်ကမ်း ထိုင်းဘက်ခြမ်း မဲဆောက်မှာ ထိုင်းရဲက ကုန်စိမ်းကားထဲလိုက်ပါလာတဲ့ မြန်မာနိုင်ငံသားတွေကို ဖမ်းမိခဲ့တာပါ။
ဖမ်းမိသူတွေထဲမှာအမျိုးသမီး ၂၂ ဦးနဲ့ အမျိုးသား ၃၁ ဦးဖြစ်တယ်လို့သိရပါတယ်။
မြန်မာနိုင်ငံမှာ စစ်တပ်အာဏာသိမ်းပြီးတဲ့နောက် စီးပွားရေးကျဆင်းမှုအတူ အလုပ်အကိုင်ရှားပါးလာတာကြောင့် အိမ်နီးချင်းထိုင်းနိုင်ငံထဲကို မြန်မာနိုင်ငံသားတွေ အလုပ်အကိုင်ရရေးအတွက် ထွက်ခွာနေကြတာပါ။
Public Service Announcement
ဒီလိုထွက်ခွာရာမှာ ပွဲစားအကူအညီနဲ့ နယ်စပ်ကို တရားမဝင်ဖြတ်ကျော်ဝင်ရောက်တာကြောင့် နေ့စဉ်နီးပါး ဖမ်းခံရတာတွေရှိနေတာပါ။
