စစ်ကိုင်းတိုင်း၊ ယင်းမာပင်ခရိုင်၊ ပုလဲမြို့နယ်အခြေစိုက် Phoenix Local Defense Forceမှ လူငယ်ရဲဘော်တစ်ဦး လက်နက်ကြီးစမ်းသပ်စဥ် မတော်တဆဖြစ်မှုကြောင့် ရရှိခဲ့သောဒဏ်ရာများဖြင့်ကျဆုံးခဲ့ရသည်။
Phoenix Local Defense Forceတပ်ဖွဲ့ဝင်ကာကွယ်ရေးခေါင်းဆောင် ရဲဘော် မောင်အောင်ဆန်းဌေးသည် စစ်အာဏာရှင် အမြစ်ပြတ်ချေမှုန်းတိုက်ခိုက်ရာတွင် အသုံးပြုနိုင်ရန်အတွက် လက်လုပ်လက်နက်ကို ပြီးခဲ့သည့်ဖေဖော်ဝါရီလ ၉ ရက်နေ့ ညနေခင်းအချိန်၌ ပစ်ခတ်စမ်းသပ်ရင်းမတော်တ
ဆဖြစ်ကာထိခိုက်ဒဏ်ရာရခဲ့ကြောင်းသည်။ ၃၈ရက်ကြာ ဆေးကုသမှုခံယူရင်း ယမန်နေ့ မတ်လ ၁၉ ရက် နံနက် (၁၀ နာရီ ၂၄ မိနစ်တွင် ကျဆုံးခဲ့ရကြောင်း Phoenix Local Defense Forceက ဝမ်းနည်းစွာ အသိပေးသည်။
မိခင် ဖခင်တို့၏ ရင်နင့်သည်းချာသားလိမ္မာတစ်ယောက် ဆုံးရှုံးနစ်နာရခြင်းအတွက် များစွာ ဝမ်းနည်းမိကြောင်း၊ စစ်အာဏာရှင်စနစ်ကို ရဲရဲဝံဝံ ရွပ်ရွပ်ချွံချွံ ဆန့်ကျင်တော်လှန်ရင်း နောင်အနာဂတ် မျိုးဆက်သစ်လူငယ်များအတွက် မြင့်မြတ်စွာ အသက်ပေးတိုက်ပွဲဝင်သွားသော ရဲဘော်အောင်ဆန်းဌေးအား အလေးနီပြုပါကြောင်းPLDFကထုတ်ပြန်သည်။
“စစ်ကိုင်းတိုင်းမှာ လက်လုပ်လက်နက်တွေ အောင်မြင်တဲ့အကြောင်း ခဏခဏ ကြားဖူးကြတယ်မဟုတ်လား။ စမ်းသပ်မှုအဆင့်ဆင့်ကို ဖြတ်ကျော်ပြီးမှ အောင်မြင်တဲ့ လက်နက်တစ်ခုကို စိတ်ချလက်ချ အသုံးပြုနိုင်တာပါ။ ဒီ Video လေးကတော့ မအောင်မြင်တဲ့ စမ်းသပ်မှုတစ်ခုနဲ့အတူ ကျွန်တော်တို့ရဲ့ ရဲဘော်တစ်ယောက် ထိခိုက်ဒဏ်ရာရခဲ့တဲ့ မှတ်တမ်းလေးတစ်ခုပါ။ကျွန်တော်တို့တတွေ အသက်နဲ့ခန္ဓာကို အရင်းတည်ပြီး စစ်အာဏာရှင်စနစ် ထာဝချုပ်ငြိမ်းစေဖို့ ရည်ရွယ်ချက်တစ်ခုတည်းနဲ့ပြင်ဆင်နေကြတယ်တိုက်ပွဲဝင်နေကြတယ်။စစ်သားဖြစ်ချင်လို့၊ သေနတ်ကိုင်ချင်လို့၊ သေနတ်ပစ်ချင်လို့၊ ဝါသနာပါလို့လက်နက်ကိုင်လမ်းစဉ်ကို ရွေးချယ်ခဲ့ကြတာမဟုတ်ဘူးဆိုတာပြည်သူလူထုတစ်ရပ်လုံးကို အသိပေးလိုပါတယ်။ကျွန်တော်တို့မှာလိုအပ်ချက်တွေရှိနေပါသေးတယ်။ကျွန်တော်တို့လိုပဲ လိုအပ်ချက်တွေများစွာနဲ့ ရုန်းကန်နေကြရသူတွေလည်း အများကြီး ရှိနေပါသေးတယ်။ကျွန်တော်တို့ရဲ့ ရဲဘော်နဲ့အတူ သူ့လိုပဲ တနိုင်ငံလုံးက စမ်းသပ်ရင်း ထိခိုက်မိကြသူတွေလည်း အမြန်ဆုံး ပြန်လည်ကျန်းမာပါစေကြောင်းဆုတောင်းမေတ္တာပို့သအပ်ပါတယ်”ဟု PLDFက အခင်းဖြစ်ပြီးနောက်တစ်ရက် ဖေဖော်ဝါရီလ ၁ ရက်နေ့တွင် အသိပေးထုတ်ပြန်သည်။
Public Service Announcement
