Connect with us

Hi, what are you looking for?

News

လက်နက်အားကိုးဖြင့် ပြည်သူလူထုအပေါ် ဖိနှိပ်နေသည့် ပျူစောထီး ခေါင်းဆောင်ကို ပခုက္ကူ PDF ရှင်းလင်း

စစ်ကောင်စီနှင့် ယင်းတို့၏ ထောက်တိုင် လက်နက်ကိုင် အဖွဲ့များအား အဓိကတိုက်ခိုက်ပြီး ယင်းတို့၏ အဆွယ် အပွား ဒလံသတင်းပေးများအား လိုအပ်ချက်အရရှင်းလင်းခဲ့ရသည့်သတင်းများအား ထုတ်ပြန်ခဲ့ခြင်းမရှိဟု ဆိုသည်။

မ​ကွေးတိုင်း ပခုက္ကူမြို့နယ် ရေလာကျေးရွာနေ ပျူစောထီးခေါင်းဆောင် စိန်ဌေးအား ကမ္မမြို့စျေး တစ်နေရာ၌ မြေပြင်တိုက်ခိုက်ရေးအဖွဲ့ မှ ဝင်ရောက်ရှင်းလင်းခဲ့ရာ နေရာတွင် ပွဲချင်းပြီးသေဆုံးသွားကြောင်း ပခုက္ကူ ပြည်သူ့ကာကွယ်ရေးတပ်ဖွဲ့(PDF)က သတင်းထုတ်ပြန်သည်။

အဆိုပါ ပျူစောထီးခေါင်းဆောင်သည် ကမ္မမြို့အဝင် စာကျင်းကုန်းလမ်းဆုံ၌ လက်နက်အားကိုး၍ ပြည်သူလူထုအား အကြမ်းဖက်စစ်ဆေးခြင်း၊ ကမ္မမြို့အနီးတဝိုက်ရှိ ပြည်သူများအားခေါင်းစဉ် အမျိုးမျိုးတပ်၍ မတရားဖမ်းဆီးခြင်း၊ ကမ္မမြို့၊ ရေလာကျေးရွာ၊ အောင်သာ ကျေးရွာနှင့် မြိုင်မြို့နယ်တောင်ပိုင်း ကျေးရွာများ၌ ပျူစောထီးအဖွဲ့များဖွဲ့စည်း သင်တန်းပေးခြင်း၊ ပျူစောထီးများအား ဦးဆောင်၍ ပြည်သူများအား ဖမ်းဆီးနှိပ်စက်ခြင်းများ၏ အဓိကတရားခံဖြစ်၍ မတ်လ ၂၃ ရက် နေ့လယ် ၂နာရီတွင် ရှင်းလင်းခဲ့ခြင်းဖြစ်သည်ဟု ဖော်ပြထားသည်။

ဆက်လက်၍ မြို့အနောက်ဘက်ခြမ်းရှိ စိန်ဌေး၏ လက်ဝေခံ အောင်သာကျေးရွာနှင့် ရေလာကျေးရွာတို့ရှိ အကြမ်းဖက်လက်နက်ကိုင် ပျူစောထီးများအား ထပ်မံ ရှင်းလင်း တိုက်ခိုက်သွားမည်ဖြစ်၍ မိမိတို့၏လုပ်ရပ်များ အမြန်ဆုံးရပ်တန့်၍ ပြည်သူနှင့်တူ အမြန်ပူးပေါင်းကြရန် သတိပေးထားသည်။

စစ်ကောင်စီနှင့် ယင်းတို့၏ ထောက်တိုင် လက်နက်ကိုင် အဖွဲ့များအား အဓိကတိုက်ခိုက်ပြီး ယင်းတို့၏ အဆွယ် အပွား ဒလံသတင်းပေးများအား လိုအပ်ချက်အရရှင်းလင်းခဲ့ရသည့်သတင်းများအား ထုတ်ပြန်ခဲ့ခြင်းမရှိဟု ဆိုသည်။

Public Service Announcement

Public Service Announcement

ယနေ့ စိန်ဌေးဖြစ်စဉ်ကြောင့် ပခုက္ကူမြို့နယ် အနောက်ဘက် တဝိုက်ရှိ ပြည်သူများ ပျော်ရွှင်လျက်ရှိကြောင်း သိရ၍ မြေပြင်တိုက်ခိုက်ရေးအဖွဲ့ခေါင်းဆောင် ရဲဘော် Snake နှင့်တကွ ပခုက္ကူ PDFတပ်ဖွဲ့ဝင်အားလုံး ပြည်သူများနှင့်အတူ ထပ်တူထပ်မျှ ကျေနပ်ဝမ်းသာကြောင်း ထုတ်ပြန်ခဲ့သည်။

ဆက်စပ်သတင်းများ

သတင်း

ပဲခူးတိုင်း၊ နတ်တလင်းမြို့နယ်မှာ ကင်းပတ်ထွက်လာတဲ့ စစ်တပ်လက်အောက်ခံ ပျူစောထီးအဖွဲ့ဝင်တွေ တိုက်ခိုက်ခံရပြီး ၂ ဦး သေဆုံးခဲ့တယ်လို့ ပဲခူးတိုင်းစစ်ဌာနက ဒီနေ့ အောက်တိုဘာ ၃၀ ရက် ညပိုင်းမှာ ထုတ်ပြန်ပါတယ်။

သတင်း

သီတင်းကျွတ်ကာလမှာ စစ်တပ်က မကွေးတိုင်း၊ မြိုင်နဲ့ ပခုက္ကူမြို့နယ်က ဘုန်ကြီးကျောင်းတွေကို လေကြောင်းကနေ ဗုံးကြဲဖျက်ဆီးခဲ့တယ်လို့ ဒေသခံတချို့က ပြောပါတယ်။

သတင်း

အမျိုးသားညီညွတ်ရေးအစိုးရ(NUG)၊ ကာကွယ်ရေးဝန်ကြီးဌာန၊ ပြည်သူ့ကာကွယ်ရေးတပ်မတော်(PDF)၊ စစ်ရုံးချုပ်ကွပ်ကဲမှုအောက်ရှိ အမှတ် (၉၇၁၁) တပ်ရင်းကို လက်နက်တပ်ဆင်ခြင်းအခမ်းအနား ကျင်းပခဲ့ကြောင်း ပြည်သူ့ကာကွယ်ရေးတပ်မတော် က သတင်းထုတ်ပြန်ပါတယ်။

သတင်း

ပြည့်သူ့ကာကွယ်​ရေးတပ်မ​တော်(PDF)၊အထူးတိုင်းစစ်ဌာန သုံ့ပန်းစခန်းမှာ ပေးအပ်တဲ့တာဝန်တွေကို ကျေပွန်အောင်ထမ်းဆောင်ခဲ့တဲ့ စစ်သုံ့ပန်း ၁၆ ဦးကို သူတို့ရဲ့ဆန္ဒအလျောက် ပြည်သူ့ကာကွယ်ရေးတပ်မတော်သားတွေအဖြစ် တာဝန်ထမ်း‌ ဆောင်ခွင့် ပြုလိုက်တယ်လို့အမျိုးသားညီညွတ်ရေးအစိုးရ (NUG)ကာကွယ်ရေးဝန်ကြီးဌာနက သတင်းထုတ်ပြန်ပါတယ်။