ကရင်နီ(ကယား)ပြည်နယ်၊ ဖရူဆိုအခြေစိုက် ခမရ(၄၂၈)အခြေစိုက်စခန်းကို ဝင်ရောက်တိုက် ခိုက်ခဲ့ပြီး စစ်ကောင်စီဘက်မှ ထိခိုက်သေဆုံးမှုရှိနိုင်ကြောင်း PDF-Hpruso က အသိပေးထုတ်ပြန်သည်။
ယနေ့(မတ်လ ၂၆ ရက်)နေ့လယ်၁၁ နာရီခန့်ကစ၍ ကရင်နီတပ်မတော်(KA)၊ KNDF B0-4 တို့
နှင့်အတူ ခမရ(၄၂၈) စခန်းကိုဝင်ရောက်ပစ်ခတ်ခဲ့ရာ အချိန်တစ်နာရီကျော် ကြာမြင့်ခဲ့သည်ဟု ဆိုသည်။
တိုက်ပွဲအတွင်း PDF – Hpruso နှင့် အခြားမဟာမိတ်အဖွဲ့များမှ အထိအခိုက်မရှိ ကောင်းမွန်စွာ ပြန်လည်ဆုတ်ခွာနိုင်ခဲ့ကြောင်းထုတ်ပြန်ချက်၌ ဖော်ပြသည်။
မတ်လ ၂၅ ရက်ကလည်း ဖရူဆိုမြို့နယ် ငွေတောင်ရွာသစ်တွင် အကြမ်းဖက် စစ်ကောင်စီတပ်နှင့် ကရင်နီပြည်သူ့ကာကွယ်ရေးပူးပေါင်းတပ်တို့ တိုက်ပွဲဖြစ်ပွားခဲ့သေးသည်။
Public Service Announcement
ထိုတိုက်ပွဲတွင် စစ်ကောင်စီတပ်မှ ၁၀ဦးထက်မနည်သေဆုံးပြီး KNDF B-15 မှ ရဲဘော်တစ်ဦး ကျဆုံးခဲ့သည်။
