ကျောက်ဆည်နဂါးနီပြောက်ကျားတပ်ဖွဲ့က အမြန်လမ်းမှ စစ်​ကောင်စီ ကင်းဂိတ်တစ်ခုကို တိုက်ခိုက်

ရန်ကုန်-မန္တလေး အမြန်လမ်းမကြီး၊ မိုင်တိုင် ၃၃၅ မိုင် တစ်ဖာလုံ တွင် တပ်စွဲထားပြီး အနီးကျေးရွာများ နှင့် ခရီးသွား ပြည်သူများအား ဒုက္ခပေးနေသော ဗိုလ်ကြီး ဦးဆောင်သည့် ကင်းဂိတ်အား ယနေ့ ဧပြီလ ၁၈ ရက် နံနက် ၂ နာရီ အချိန်တွင် လက်နက်ကြီး၊ လက်နက်ငယ်များဖြင့် ဝင်ရောက်တိုက်ခိုက်ခဲ့ရာ အကြမ်းဖက်စစ်တပ်ဘက်မှ အထိနာခဲ့​ကြောင်း ထုတ်ပြန်ချက်တွင်​ဖော်ပြထားသည်။ ကျောက်ဆည်နဂါးနီ ပြောက်ကျားတပ်ဖွဲ့အ​နေဖြင့်အထိအခိုက်မရှိ ပြန်လည်ဆုတ်ခွာလာနိုင်ခဲ့ကြောင်းလည်းသိ့ရသည်။

“အခင်းဖြစ်နေရာက တံတားဦးမြို့နယ်ထဲပါပါတယ်။ အမြန်လမ်း ရဲကင်းပေါ့ဗျာ။ ဒီကာလကြီးမှာတော့ စစ်တပ်ကပဲ အထိုင်ချပြီး နေနေတာ။ သုံးပွင့်ဗိုလ်တစ်ယောက် ဦးစီးပြီး အထိုင်ချပြီး နေနေတာ။ အင်အား ၁၅ ယောက် ဝန်းကျင်လောက်ရှိမယ်။ ဒီကောင်တွေ အလစ်အငိုက်ကို ပြောက်ကျားတိုက်ခိုက်ခဲ့တယ်။ ကျွန်တော်တို့က ပစ်ထည့်လိုက်ပြီးတော့ ပြန်ဆုတ်လာတာ။”ဟု ကျောက်ဆည်နဂါး ပျောက်ကြားတပ်ဖွဲ့ တာဝန်ရှိသူက ပြောသည်။

ပြီးခဲ့သည် ဧပြီ ၈ရက် ည ၁နာရီခွဲ အချိန်ကလည်း ကျောက်ဆည် ခရိုင်၊ကျောက်ဆည်မြို့နယ် ဖျောက်ဆိပ်ပင် ကင်းဂိတ်အား ကျောက်ဆည်နဂါးနီ ပျောက်ကြားတပ်ဖွဲ့ နှင့် People Revolution force Kyaukse (PRFK)တပ်ဖွဲ့တို့ မှ ဝင်ရောက်တိုက်ခိုက်ခဲ့ရာ ဗိုလ်မှုးတစ်ဦး အပါအဝင် စစ်သား၁၂ ကျဆုံးကြောင်း ကျောက်ဆည်နဂါးနီ ပျောက်ကြားတပ်ဖွဲ့က သတင်းထုတ်ပြန်ထားသည်။