ဘားအံမြို့နယ် သထုံ-ဘားအံကားလမ်းမပေါ်မှာရှိတဲ့ ဝါးပိုးတောလမ်းဆုံက ရဲကင်းစခန်းကို လက်နက်ကိုင်အဖွဲ့တစ်ဖွဲ့က လာရောက်ပစ်ခတ်ခဲ့ပြီး ထိခိုက်သေဆုံးမှုရှိတယ်လို့ ဒေသခံတွေဆီကနေ သိရပါတယ်။
ဘားအံ-သထုံကားလမ်းမနဲ့ ဘားအံ-ဖာပွန်ကားလမ်းဆုံနေရာဖြစ်တဲ့ ဝါးပိုးတောလမ်းဆုံနားမှာ စစ်ကောင်စီရဲကင်စခန်းတစ်ခုရှိပြီး ဒီကနေ့ မနက် ၈ နာရီအချိန်ခန့်က တိုက်ခိုက်ခံခဲ့ရတာဖြစ်ပါတယ်။
ဝါးပိုးတောလမ်းဆုံက ရဲကင်းဂိတ်စခန်း ပစ်ခတ်တိုက်ခိုက်ခံရတဲ့ဖြစ်စဉ်မှာ သုံးဦးသေဆုံးသွားခဲ့ပြီး အဲ့ဒီအထဲမှာ ရဲနှစ်ဦးပါဝင်တယ်လို့ ဒေသခံတွေဆီကနေ သိရပါတယ်။
သေဆုံးသွားတဲ့လူတွေကိုတော့ လူမှုကယ်ဆယ်ရေးအဖွဲ့တစ်ဖွဲ့က သွားရောက်သယ်ဆောင်နေပြီလို့ သိရပါတယ်။
Public Service Announcement
ဝါးပိုးတောစစ်ဆေးရေးဂိတ်ဟာ ဘားအံမြို့နယ် သံလွင်အနောက်ဘက်ကမ်းဒေသမှာရှိပြီး ကေအဲန်ယူ-ဒူးသထူခရိုင် ဘားအံမြို့နယ် တပ်မဟာ ၁ နယ်မြေဒေသအတွင်းမှာ တည်ရှိတာဖြစ်ပါတယ်။
