မန္တလေးတိုင်း အတွင်းက မိုးကုတ်မြို့ မှာ မြို့သိမ်းတိုက်ပွဲတွေ အတွက် ဒေသခံပြည်သူတွေအနေနဲ့ ဗုံးခိုကျင်းတွေထားရှိကြဖို့ မြို့ပြပြောက်ကျား အဖွဲ့ ( Red Wolves of Mogok ) ကဧပြီလ ၂၀ ရက် ရက်စွဲနဲ့ မေတ္တာရပ်ခံပန်ကြားထားတာတွေ့ရပါတယ်။
မြို့ခံလူထုအနေနဲ့ ဆေးဝါး ၊အရေးကြီးစာရွက်စာတမ်း ၊ ရိက္ခာ ပြင်ဆင်ထားဖို့လည်းအသိပေးထားပါတယ်။
ဒါအပြင် စစ်ကောင်စီလက်အောက်ခံ တပ်ဖွဲ့တွေ တပ်စွဲထားရာနေရာအနီးတွေကို သွားလာတာမျိုးရှောင်ကြဖို့လည်း ပြောထားပါသေးတယ်။
မိုးကုတ်မြို့နဲ့အနီးတစ်ဝိုက်ဒေသတွေမှာ မကြာခဏဆိုသလို စစ်ကောင်စီတပ်တွေနဲ့ တော်လှန်ရေးအင်အားစုတပ်တွေကြား တိုက်ပွဲတွေဖြစ်ပွားတာမျိုးရှိပါတယ်။
Public Service Announcement
