ရှမ်း-ကယားပြည်နယ်ဒေသအစပ်ရှိ မိုးဗြဲမြို့ ပြည်သူ့ကာကွယ်ရေးတပ်၏ တပ်ခွဲ နှစ်ခုပူးပေါင်းပြီး ၁၁ ရက်ကြာ မွန်းမံသင်တန်းပြုလုပ်ခဲ့ကြောင်း မိုးဗြဲ PDFက ထုတ်ပြန်သည်။
ဧပြီ ၁၉ ရက်ကစ၍ ၂၉ ရက်အထိ ၁၁ရက်ကြာ မွန်းမံ သင်တန်းကိုပြုလုပ်ခဲ့ပြီး ဧပြီ ၃၀ရက်တွင် သင်တန်း ဆင်းပွဲ ပြုလုပ်ခဲ့သည်ဟု ဆိုသည်။
“ပြည်သူအတွက်အသက်ကိုစတေးဖို့ ဝန်မလေးတဲ့ ပြည်သူ့ရဲဘော်ကို ပြည်သူများအနေဖြင့် ထောက်ပံ့ပေးကြဖို့လိုပါတယ်ဗျာ”ဟု မိုးဗြဲPDF က ပြောသည်။
ယခုနှစ် ဖေဖော်ဝါရီလဝက်ကစ၍ အကြမ်းဖက်စစ်ကောင်စီ၏ ထိုးစစ်ကြောင့် မိုးဗြဲ မြို့နယ်တွင် တိုက်ပွဲ များပြင်းထန်ခဲ့ပြီး နှစ်ဘက်ထိခိုက် ကျဆုံးမှုများစွာရှိခဲ့သည်။
Public Service Announcement
ထို့အပြင် မိုးဗြဲမြို့နယ်ဝါရီဆူးပလိုင်ဒေသတွင်အကြမ်းဖက်စစ်ကောင်စီတပ်မှ တပ်အင်အားဖြည့်တင်းလျက်ရှိသောကြောင့် ဧပြီအတွင်း ထိတွေ့တိုက်ပွဲများ ဖြစ်ပွားခဲ့သည်။
