ချင်းမိုင် မြန်မာကောင်စစ်ဝန်ရုံးက သံဝန်ထမ်းအမျိုးသမီးတစ်ဦး CDM မှာပါဝင်လိုက်

ဒီနှစ် မေလ ၃ ရက်ကစပြီး CDM မှာ ပူးပေါင်းပါဝင်လိုက်တယ်ဆိုတာကို ဒေါ်မြသိင်္ဂီ သူရဲ့ ဖေ့ဘွတ်ခ်စာမျက်နှာကနေ အသိပေးထားပါတယ်။

ရွေးကောက်ခံအစိုးရ ရဲ့စေလွှတ်မှုနဲ့ ထိုင်းနိုင်ငံမှာ မြန်မာနိုင်ငံကိုယ်စားပြု တာဝန်ထမ်းဆောင်နေတဲ့ သံဝန်ထမ်းတစ်ဦးဖြစ်တာကြောင့် မတရားအာဏာသိမ်းထားတဲ့ စစ်အုပ်စုရဲ့လက်အောက်မှာ ဆက်လက်တာဝန်မထမ်းဆောင်လို့တဲ့အပြင် နိုင်ငံတကာစာမျက်နှာမှာလည်း တရားမဝင်စစ်အုပ်စုကို ကိုယ်စားပြုဖို့ ဆန္ဒမရှိတာကြောင့် CDMလုပ်လိုက်တာလို့ ဒေါ်မြသိင်္ဂီ က ရှင်းပြထားပါတယ်။

ရွေးကောက်ခံအရပ်သားအစိုးရ ကိုဖြတ်ချပြီး အာဏာသိမ်းလိုက်တဲ့စစ်တပ်ရဲ့ လုပ်ရပ်ကို လက်မခံနိုင်တာကြောင့် CDM လှုပ်ရှားမှုကို အာဏာသိမ်းပြီး ရက်ပိုင်းအကြာမှာတင် အစိုးရ ဌာနအသီးသီးက ဝန်ထမ်းတွေဟာ ဆောင်ရွက်ခဲ့ကြပါတယ်။

ဒီလို CDM လုပ်ကြတဲ့အတွက် နိုင်ငံပုံမှန်အတိုင်းလည်ပတ်နေတယ်ဆိုတာကို နိုင်ငံတကာကိုပြသလိုတဲ့စစ်အုပ်စုအတွက် အုပ်ချုပ်ရေးယန္တယားလည်ပတ်ဖို့ အကျပ်ရိုက်စေခဲ့ပါတယ်။

Public Service Announcement