စစ်ကောင်စီ၏ တရားမဝင်ရွေးကောက်ပွဲကျင်းပရန်ကြိုးပမ်းမှုနှင့် ပူးပေါင်းပါဝင်သူများကို ဆန့်ကျင်ကန့်ကွက်ကြောင်း လွှတ်တော်ကိုယ်စားပြုကော်မတီများပူးပေါင်းထုတ်ပြန်

အကြမ်းဖက်စစ်ကောင်စီက တရားမဝင်ရွေးကောက်ပွဲအသစ်ကျင်းပရန် ကြိုးပမ်းနေမှုနှင့် ယင်း ကြိုးပမ်းမှုတွင် ပူးပေါင်းပါဝင်သူမှန်သမျှကို ဆန့်ကျင်ကန့်ကွက်ကြောင်း ပြည်နယ်နှင့်တိုင်းလွှတ်တော်ကိုယ်စားပြုကော်မတီများက ပူးပေါင်းထုတ်ပြန်သည်။

တရားမဝင်ရွေးကောက်ပွဲအသစ်ကျင်းပရန် ကြိုးပမ်းနေမှုကို ကန့်ကွက်နေကြသည့် နွေဦးတော်လှန် ရေးအင်အားစုများ၊ အဖွဲ့အစည်းများ၏ ထုတ်ပြန်ချက်အားလုံးကို ထောက်ခံကြောင်း ပူးပေါင်းကြေညာချက်၌ ဖော်ပြသည်။

မကြာသေးမီက အမျိုးသားဒီမိုကရေစီအဖွဲ့ချုပ် ဗဟိုအလုပ်ကော်မတီ၏ သတင်းထုတ်ပြန်ချက် ကိုလည်း အပြည့်အ၀ထောက်ခံပြီး ယင်းထုတ်ပြန်ချက်သည် အမျိုးသားဒီမိုကရေစီအဖွဲ့ချုပ်ကို အလွဲသုံးစားပြုလျက် လွဲမှားသော နိုင်ငံရေးလုပ်ဆောင်ချက်များ လုပ်ဆောင်လာနိုင်ခြင်းမှ ကာကွယ်နိုင်ခဲ့ခြင်း၊ ရွေးကောက်ပွဲအသစ်ကျင်းပရန် ကြိုး ပမ်းနေမှုတွင်လည်း အမျိုးသားဒီမိုကရေစီအဖွဲ့ချုပ်ကို ကိုယ်စားပြုဟန်ဖြင့် ပါဝင်ဆောင်ရွက်ခြင်း မပြုနိုင်အောင် တားဆီးထားနိုင်ခြင်းတို့ကြောင့်ဖြစ်သည်ဟု ဆိုသည်။

ထို့အပြင် ၂၀၀၈ ဖွဲ့စည်းပုံအခြေခံဥပဒေကို ပြန်လည်အသက်သွင်းမည့် အကြမ်းဖက်စစ်ကောင်စီ၏ အတု အယောင် ငြိမ်းချမ်းရေးဖိတ်ခေါ်ချက်အား ပြင်းပြင်းထန်ထန် ရှုတ်ချကြောင်း ဖော်ပြသည်။

Public Service Announcement

စစ်ကောင်စီ ဖိတ်ခေါ်ချက်အပေါ် ပြတ်ပြတ်သားသား ငြင်းဆန်ပြီး တိုင်းရင်းသားပြည်သူတစ်ရပ်လုံး၏ နွေဦးတော်လှန်ရေး အင်အားစုများအဖြစ် ရပ်တည်ပေးခဲ့ကြသော နိုင်ငံရေးအင်အားစုများ၊ တိုင်းရင်းသားတော်လှန်ရေးအဖွဲ့အစည်းများ အားလုံးကို အထူး လေးစားကျေးဇူးတင် ကြောင်း ပြည်နယ်နှင့်တိုင်းလွှတ်တော်ကိုယ်စားပြုကော်မတီများက ထုတ်ပြန်သည်။