ရခိုင်ပြည်နယ်မှာ လက်နက်ကိုင်ပဋိပက္ခမဖြစ်အောင် စစ်ကောင်စီက ထိန်းသိမ်းနေတာဖြစ်ပြီး ပြဿာနာဖြစ်လာရင် အဆိုးမဆိုဖို့ အာဏာသိမ်း စစ်ကောင်စီ ပြောရေးဆိုခွင့်ရှိသူက ခြိမ်းခြောက်လိုက်ပါတယ်။
AA ခေါင်းဆောင်က စစ်ကောင်စီတိုင်းမှူးကိုအွန်လိုင်းကနေသတိပေးတာ ၊ စစ်ကောင်စီဖိတ်တဲ့ငြိမ်းချမ်းရေးပွဲမတက်ဘဲ NUG နဲ့တွေ့ဆုံမှုတွေရှိလာပြီးနောက် စစ်ကောင်စီဘက်က တုံ့ပြန်လာတာလည်းဖြစ်ပါတယ်။
ရခိုင်ပြည်နယ်မှာ AA ဟာ အုပ်ချုပ်ရေးပိုင်းကိုနှောင့်ယှက်နေကြောင်း ၊တိုင်းစစ်ဌာနချုပ်ကို တောင်ခြိမ်းခြောက်လာတဲ့အထိဖြစ်လာပြီး တိုက်ပွဲခေါ်နေတဲ့ပုံစံဖြစ်နေတယ်လို့စစ်ကောင်စီက ဆိုပါတယ်။
စစ်ကောင်စီအနေနဲ့ ရခိုင်ပြည်သူ လူထု ဒုက္ခ မရောက်စေချင်လို့ထိန်းသိမ်းနေတာဖြစ်ပြီး စိတ်ရှည်သည်းခံ နေရတယ်လို့လည်း စစ်ကောင်စီက ပြောပါသေးတယ်။
Public Service Announcement
ရခိုင်ပြည်နယ်မှာ စစ်ကောင်စီရဲ့ စစ်အင်အားတိုးချဲ့လာမှုတွေကြောင့် တိုက်ပွဲ ပြန်ဖြစ်လာနိုင်တယ်လို့ AA ဘက်က ပြည်သူလူထုကိုသတိပေးထားပါတယ်။
ဒါအပြင် စစ်ကောင်စီရဲ့ ငြိမ်းချမ်းရေးဆွေးနွေးပွဲကို စောင့်ကြည့်နေတယ်လို့ AAက ဆိုထားပါတယ်။ ပြီးခဲ့တဲ့ ရက်ပိုင်းကတော့ AA ခေါင်းဆောင်ပိုင်းနဲ့ NUG တို့တွေ့ဆုံခဲ့ကြပါတယ်။
