မှော်ဘီမြို့နယ် အမှတ် (၄)လမ်းမနှင့် ပြည်လမ်းဆုံရှိ စစ်ကောင်စီတပ်စစ်ဆေးရေးဂိတ်ကို ဖောက်ခွဲတိုက်ခိုက်ခဲ့ကြောင်း မှော်ဘီတော်လှန် ရေးအင်အားစုက ယနေ့(ဇွန် ၂၇)ထုတ်ပြန် သည်။
ယမန်နေ့(ဇွန် ၂၆)ည ၁၀ နာရီခွဲခန့်တွင် အမှတ် (၄)လမ်းမနှင့် ပြည်လမ်းဆုံရှိ စစ်ကောင်စီစစ် ဆေးရေးဂိတ်ကို အဝေးထိန်းမိုင်းနှစ်လုံးဖြင့် ဖောက်ခွဲ့တိုက်ခိုက်ခဲ့ခြင်းဖြစ်ကြောင်း ဖော်ပြသည်။
တိုက်ခိုက်ခံရပြီးနောက် စစ်ကောင်စီတပ်ဘက်မှ ရမ်းသမ်းပစ်ခတ်မှုများရှိခဲ့သော်လည်း တော်လှန်ရေးရဲဘော်များအထိအခိုက်မရှိဆုတ်ခွာနိုင်ခဲ့ပြီးလုံခြုံသည့်နေရာရောက်မှအခြေနေအား ထုတ်ပြန်ရ၍ သတင်းထုတ်ပြန်မှုနောက်ကျရသည်ကို နားလေးပေးကြန်ရန် အသိပေးသည်။
“ပြည်သူကို မည်သည့်နည်းနဲ့မဆို ထိခိုက်အောင်လုပ်တဲ့ ရဲခွေး စစ်ခွေးများကို ရတဲ့နည်းနဲ့ တုန့်ပြန်သွားမှာပါ”ဟု မှော်ဘီတော်လှန်ရေးအင် အားစုမှ ရဲဘော်တစ်ဦးက ပြောသည်။
Public Service Announcement
ထို့အပြင် ၎င်းတို့ပြောက်ကျားတပ်ဖွဲ့ UGများအနေဖြင့်ပြည်သူထိခိုက်နိုင်မည့်အခြေအနေများကို ရှောင်ရှားပြီးတော်လှန်ရေးလုပ်နေချိန် ယုဇနဥယဥ်မြို့တော်မှ ဖြစ်စဥ်ကဲ့သို့ UG များကို ရလမ်းထဲမှသူမှဖမ်းဆီးပေးသည့်အပေါ် ရင်နာမိကြောင်းလည်းအထက်ပါရဲဘော်ကဆက်ပြောသည်။
“ကျွန်တော်တို့ UG တွေက အမြဲပြည်သူထိမှာစိုးရိမ်စိတ်နဲ့ ကြိုးစားနေကြသူတွေပါ။ ပြည်သူ့အရှေမှာရှိနေမယ့်အသေခံတွေပါဗျာ”ဟု ၎င်းက ပြောသည်။
အထက်ပါ စစ်ကောင်စီတပ်စစ်ဆေးရေးဂိတ်အားတိုက်ခိုက်မှုတွင် စစ်ကောင်စီတပ်မှ ထိ ခိုက်သေဆုံးမှုအခြေအနေအား မသိရသေးဘဲ စုံစမ်းနေဆဲဖြစ်ကြောင်း မှော်ဘီတော် လှန်ရေးအင်အားစုက ထုတ်ပြန်ထားသည်။
