စစ်ကောင်စီအား အမြစ်ဖြတ်တိုက်ခိုက်မည့် တိုက်ပွဲများ မကြာမီအချိန်အတွင်းရောက်ရှိလာတော့မည်ဟု သပိတ်ကျင်းပြည်သူ့ကာကွယ်ရေးတပ်ဖွဲ့က ထုတ်ပြန်လိုက်ပြီး တပ်ဖွဲ့ဝင်အများအပြား စစ်ရေးလေ့ကျင့်နေသည့် မှတ်တမ်းဓာတ်ပုံများကို ထုတ်ဖော်ပြသလိုက်သည်။
တောတွင်းတစ်နေရာတွင် စစ်ရေးလေ့ကျင့်နေသည့် မှတ်တမ်းဓာတ်ပုံများကို ဇူလိုင် ၂ရက်တွင် ထုတ်ဖော်ပြသလိုက်ခြင်းဖြစ်ပြီး အာဏာရှင်စနစ် အပြီးတိုင် အမြစ်ပျက်ချေမှုန်းနိုင်သည်အထိ တိုက်ပွဲများဆင်နွှဲသွားမည်ဖြစ်ကြောင်း လူထုအား အသိပေးထားသည်။
” သပိတ်ကျင်း(PDF)အဖြစ် ယခုလို မြင်တွေ့ရတာဟာ မိဘပြည်သူများရဲ့ ကူညီပံ့ပိုးမှု့တွေကြောင့် ဖြစ်လာခဲ့တာပါ။မကြာမီအချိန်အတွင်းမှာ မိဘပြည်သူများ မျှော်လင့်ထားသလို အနိုင်တိုက်မဲ့ တိုက်ပွဲတွေ ရောက်ရှိလာတော့မှာဖြစ်ပါတယ်”ဟု သပိတ်ကျင်းပြည်သူ့ကာကွယ်ရေးတပ်ဖွဲ့က ပြောကြားထားသည်။
သပိတ်ကျင်းပြည်သူ့ကာကွယ်ရေးတပ်ဖွဲ့သည် အမျိုး သားညီညွတ်ရေးအစိုးရ၊ ကာကွယ်ရေးဝန်ကြီးဌာန၏ လက်အောက်တွင် ဖွဲဲစည်းထားသည့် ပြည်သူ့ကာကွယ် ရေးတပ်ဖွဲ့ဖြစ်ပြီး ၂၀၂၁ မေလ ၂၀ရက်တွင် စတင်ဖွဲ့စည်းခဲ့သည်။
Public Service Announcement
