မတူပီမြို့နယ်တွင် ယနေ့ ညနေပိုင်း၌ တိုက်ပွဲဆက်လက်ဖြစ်ပွားခဲ့ပြီး စစ်ကောင်စီတပ်မှ နှစ်ဦး သေဆုံးခဲ့ပြီး အများအပြား ဒဏ်ရာရရှိခဲ့ကြောင်းမတူပီ ချင်းကာကွယ် ရေးတပ်ဖွဲ့(CDF)က ထုတ်ပြန်သည်။
ဇူလိုင် ၆ရက် ညနေ ၆နာရီ မှစ၍ မတူပီ မြို့နယ် အမ်မိလိုင်ရွာ၌ စစ်ကောင်စီတပ်နှင့် နာရီဝက်ကြာ တိုက်ပွဲဖြစ်ပွားခဲ့ခြင်းဖြစ်သည်ဟုဆိုသည်။
တိုက်ပွဲ၌ မတူပီ CDF ရဲဘော်များ ထိခိုက်ကျဆုံးမှုမရှိ ဆုတ်ခွာနိုင်ခဲ့ကြောင်း အသိပေးထားသည်။
မတူပီ CDFသည် ယနေ့နံနက်ပိုင်းကလည်း မတူပီ – လိုင်လင်းပီ မြို့ လမ်းပိုင်း၌ စစ်ကောင်စီတပ်ကို တိုက်ခိုက်ခဲ့ရာ ၄၅မိနစ်ကြာ တိုက်ပွဲဖြစ်ခဲ့သည်ဟုဆိုသည်။
Public Service Announcement
ယနေ့နံနက် ၉နာရီကျော်တွင် ဖြစ်ပွားခဲ့သည့် တိုက်ပွဲအတွင်း စစ်ကောင်စီတပ်မှ သုံးဦးသေဆုံးပြီး နှစ်ဦး ဒဏ်ရာပြင်းထန်ခဲ့ကြောင်း မတူပီ CDFက ထုတ်ပြန်ခဲ့သည်။ စစ်ကောင်စီတပ်သည် လိုင်လင်းပီမြို့မှ ဇွန်လ ၂၈ရက်တွင် ခြေလျင် ထွက်ခွာလာရာ ယနေ့တွင် CDFနှင့် တိုက်ပွဲ နှစ်ကြိမ်ဖြစ်ပွားခဲ့သည်။
