စစ်ကိုင်းတိုင်း၊ စစ်ကိုင်း၊ မြင်းမူ၊ ဝက်လက်မြို့နယ်များတွင် စစ်ကောင်စီတပ်က တိုက်ပွဲမဖြစ်ဘဲရဟတ်ယာဥ်ဖြင့်လာရောက်ပစ်ခတ်နေကြောင်း ဒေသတွင်းသတင်းရင်းမြစ်များက ပြောသည်။
ယနေ့(ဇူလိုင်လ၂၇ရက်) နံနက်ပိုင်းက အကြမ်းဖက်စစ်တပ်သည်စစ်ကိုင်းမြို့နယ်၊ တလိုင်းရွာနှင့်မူးသာရွာတို့တွင်ရဟတ်ယာဥ်ဖြင့်ပစ်ခတ်ကာ တပ်သားများချခဲ့သည်ဟု ဒေသခံတို့က ပြောသည်။
ဆက်လက်ပြီး မူးသာရွာမှထွက်ခွာလာသော အကြမ်းဖက်စစ်တပ်၏ ရဟတ်ယာဥ်သည် ဝက်လက်မြို့နယ်၊ကျီးကန်ရွာနှင့် လှတောရွာကြားတွင် စက်သေနတ်ကြီး ၅ချက်ခန့် ပစ်ခတ်သွားကြောင်း ဒေသခံများက ပြောသည်။
အလားတူ မြင်းမူမြို့နယ်တွင်လည်း ယနေ့နံနက် ၉နာရီ ၄၀ မိနစ်ခန့်က မူးမန္တလေးရွာ၊ ကျောက်ဖျာရွာ၊ အင်းမရွာတို့ကို အကြမ်းဖက်စစ်တပ်က ရဟတ်၃စီးဖြင့် ပစ်ခတ် ဗုံးကြဲမှုများ ပြုလုပ်သွားကြောင်းနယ်ခံများကပြောသည်။
Public Service Announcement
ရဟတ်ယာဉ် ၃ စီးဝဲပျံခဲ့ကာ ကံတော်ရွာနှင့် စပါးကျင်းရွာကြား၌ အကြမ်းဖက်စစ်ကောင်စီတပ်သားများချသွားခဲ့သည်ဟုဆိုသည်။
အကြမ်းဖက်စစ်တပ်၏ ပစ်ခတ်မှုကြောင့် နယ်ခံများ ထွက်ပြေးတိမ်းရှောင်နေရပြီး ထိခိုက်မှုအခြေအနေမသိရသေးဟု ဒေသခံတို့ကပြောသည်။
