ဒီမိုကရေစီတက်ကြွလှုပ်ရှားသူလေးဦးကို စစ်ကောင်စီက ကွပ်မျက်ခဲ့မှုအပေါ် ကုလသမဂ္ဂလုံခြုံရေးကောင်စီအဖွဲ့ဝင်နိုင်ငံအားလုံးက ယမန်နေ့တွင် တညီတညွတ်တည်းကန့်ကွက်ရှုတ်ချလိုက်သည်။
အကြမ်ဖက်စစ်ကောင်စီ၏ ဥပဒေမဲ့သတ်ဖြတ်မှုကို တရုတ်နှင့် ရုရှားတို့က သီးခြားရှုတ်ချခြင်းမပြုသော်လည်း လုံခြုံရေးကောင်စီအမြဲတမ်းအဖွဲ့ဝင်နိုင်ငံများအနေဖြင့် ပါဝင်ကန့်ကွက်ရှုတ်ချ ခြင်းဖြစ်သည်။
လုံခြုံရေးကောင်စီသည် မြန်မာနိုင်ငံအတွင်း အကြမ်းဖက်မှုအားလုံးရပ်တန့်ရန်၊ လူ့အခွင့်အရေး နှင့် တရားဥပဒေစိုးမိုးရေးကို အပြည့်အ၀လေးစားရန် တောင်းဆိုသည်။
ထို့အပြင် ကောင်စီအဖွဲ့ဝင် ၁၅နိုင်ငံစလုံးသည် မြန်မာ့ဒီမိုကရေစီအသွင်ကူးပြောင်းရေးအတွက် အပြည့်အ၀ အားပေးထောက်ခံပြီး အချုပ်အခြာအာဏာ၊ နိုင်ငံရေးလွတ်လပ်ခွင့်၊ နယ်မြေတည်မြဲ ရေးနှင့် ညီညွတ်ရေးတို့အပေါ် အခိုင်အမာကတိပြုကြောင်း ထုတ်ပြန်သည်။
Public Service Announcement
