'/%3E%3C/svg%3E){kind=small}
မြဝတီ-ဝေါ်လေ ကားလမ်းမပေါ်က သုံးထပ်ကွေ့အနီးမှာ စစ်တပ်နဲ့ ကော်ဘရာစစ်ကြောင်းတို့ ထိတွေ့တိုက်ပွဲထပ်မံဖြစ်ပွါးခဲ့ပြီး စစ်ကောင်စီဘက်က ထိခိုက်သေဆုံးမှုရှိခဲ့တယ်လို့ ကော်ဘရာစစ်ကြောင်းက သတင်းထုတ်ပြန်ပါတယ်။
ဒီကနေ့ ဩဂုတ်(၆)ရက် မွန်းလွဲ ၂ နာရီအချိန်ခန့်က မြဝတီ-ဝေါ်လေ ကားလမ်းမပေါ်က သုံးထပ်ကွေ့အနီးရှိ တောင်ကုန်းတစ်ခုပေါ်ကို စစ်ကောင်စီရဲ့ တပ်မ(၄၄)လက်အောက်ခံတပ်တွေက ကျူးကျော်ဖို့ကြိုးစားခဲ့တာပါ။
လက်နက်ကြီးပစ်ကူတွေ အသုံးပြုပြီး ကျူးကျော်ဖို့ကြိုးစားနေတဲ့ စစ်ကောင်စီတပ်ဟာ ညနေ(၄)နာရီခန့်မှာ ပြန်လည်ဆုတ်ခွါခဲ့ရပြီး အဲ့ဒီတိုက်ပွဲမှာ စစ်ကောင်စီဘက်က တစ်ဦးသေဆုံးကာ သုံးဦး အပြင်းအထန်ဒဏ်ရာရရှိခဲ့တယ်လို့ ထုတ်ပြန်ချက်မှာဖော်ပြထားပါတယ်။
ကော်ဘရာစစ်သည်တော်တွေဘက်ကတော့ ထိခိုက်မှုလုံးဝမရှိဘူးလို့ ကော်ဘရာစစ်ကြောင်းရဲ့ ထုတ်ပြန်ချက်အရ သိရပါတယ်။
Public Service Announcement
