'/%3E%3C/svg%3E){kind=small}
ကချင်ပြည်နယ် ဗန်းမော်မြို့ရှိ စစ်ကောင်စီနှင့်ဌာနဆိုင်ရာများ တပ်စွဲထားသည့် စုပေါင်းရုံးကို အင်အားပြင်းဗုံးဖြင့် ယနေ့(သြဂုတ် ၁၀ရက်) နံနက် ၁၁နာရီခန့်တွင် တိုက်ခိုက်ခံလိုက်ရပြီး မီးလောင်ကျွမ်းခဲ့သည်။
“ဗုံးပေါက်ကွဲပြီး မီးတွေ တဟုန်းဟုန်းလောင်နေတာ။ ရုံးထဲကဟာတွေ( ဝန်ထမ်းများ) ထိ၊မထိတော့ မသိရသေးဘူး”ဟု ဒေသခံတစ်ဦးက ပြောသည်။
ဗန်းမော်မြို့အခြေစိုက် Urban Revolutionary Force – Bhamo အဖွဲ့က ပြည်သူများအနေဖြင့် စစ်ကောင်စီတပ်ဖွဲ့၊ဌာနများနှင့် ဝေးရာတွင်နေထိုင်ကြရန် အထူးသတိပေးချက်ကို ယနေ့ ထုတ်ပြန် ထားသည်။
“ဘယ်အထိ အာဏာစက် ပျံနှံ့နေလဲဆိုတာ သိပြီလား ။ဘယ်အထိ ဘာလုပ်လို့ရလဲဆိုတာ သဘောပေါက်ကြလား။ အချို့လုပ်ကွက်လေးတွေ ချန်ပြီး နေနေတာကို သူတို့တွေ မသိဘူး။ ပြည်သူတွေထိခိုက်မှာ စိုးလို့ချန်နေ တယ်ဆ်ိုပေမယ့် ရှိတဲ့နေရာသီးသန့်အထိ လုပ်လို့ရတယ်။ အခုအချက်ကို ကြည့်ပြီး သဘောပေါက်။ နောက်ထပ် ထပ်လာမယ်ဆိုတာလည်း တစ်ခါတည်း သိထား”ဟု စစ်အာဏာရှင်ဆန့်ကျင်ရေးလှုပ်ရှားနေသူတစ်ဦးက လူမှုကွန်ရက် တွင် ရေးသားထားသည်။
Public Service Announcement
