မိုးဗြဲတိုက်ပွဲအတွင်း စစ်ကောင်စီတပ်သား အနည်းဆုံး ၂၀ ဦးခန့်သေဆုံးပြီး လက် နက်ခဲယမ်းများ သိမ်းဆည်းရမိခဲ့ကြောင်း ဒေသ ခံသတင်းရင်းမြစ်များက ပြောသည်။
ယမန်နေ့(စက်တင်ဘာ ၈ ရက်)က မိုးဗြဲမြို့အနီး ဝါရီဆူးဖလိုင်ရွာမှ မိုးဗြဲမြို့အတွင်းဝင်ရောက် လာသည့် စစ်ကောင်စီတပ် ကို ကရင်နီတပ်များက ပူးပေါင်းတိုက်ခိုက်ခဲ့ပြီးတစ်နေကုန်တိုက်ပွဲဖြစ်ပွားခဲ့သည်။
“စစ်ကောင်စီဘက်က အင်အား အလုံးအရင်းနဲ့ တက်လာတယ်။ခန့်မှန်းခြေ ၃၀၀ ကျော်လောက်ပါတယ်။မနက် ၈ ခွဲလောက်ကစပစ်တာ။ည ၇ နာရီလောက်မှာ ပြီးတယ်”ဟု ကရင်နီဒေသခံစစ်ရေးသတင်းရင်းမြစ်က လူထုနွေဦးသို့ ပြော သည်။
တိုက်ပွဲတွင် လက်နက်များသိမ်းဆည်းရမိခဲ့သည့်ဓာတ်ပုံမှတ်တမ်းများအရ စက်လက် လေးလက်အပါအဝင်လက်နက်ခဲယမ်းများသိမ်းဆည်းရမိသည်ကိုတွေ့ရှိရသည်။ လက်နက်ကြီးများ၌ အသုံးပြုသောဗုံးသီးများစွာကိုလည်း ရရှိခဲ့သည်ကိုမြင်တွေ့ရသည်။
Public Service Announcement
“မိုးဗြဲ PDF၊ KA၊ KNDF၊ KRU နဲ့ URF တို့ ပူး ပေါင်းတိုက်ခိုက်ခဲ့ကြတာ ဖြစ်ပါတယ်။ တိုက်ပွဲအတွင်း အနီးကပ်ပစ်ခတ်မှုများမှာ ရဲဘော်အချို့ သေနတ်ထိမှန် ဒဏ်ရာရခဲ့တာ ရှိပေမဲ့ မစိုးရိမ်ရဘဲ ဆေးဝါးကုသမှု ပေးထားကြောင်း သိရပါတယ်”ဟု Karenni’s Voice က အသိပေးသည်။
တိုက်ပွဲမှာ ဆက်လက်ပြင်းထန်နိုင်ပြီး အကြမ်းဖက်စစ်ကောင်စီက ဖယ်ခုံ မှတဆင့် မိုးဗြဲသို့ ယမန်နေ့ည တွင်းချင်း အင်အားဖြည့်တင်းနေကြောင်း သိရသည်။
“မနေ့ကည၁၀နာရီလောက်မှာ ဖယ်ခုံလမ်းမကြီးကနေမိုးဗြဲဘက်ကို စခ ကား ၁၀ စီးလောက် ရှိတယ်။အမြန်မောင်းသွားတာ”ဟု ဒေသခံတစ်ဦးက ပြောသည်။
ကရင်နီ ဒေသတွင် စစ်ရေးအရ အရေးပါသည် မိုးဗြဲမြို့ကို ထိန်းချုပ်ရန် အကြမ်းဖက်စစ်ကောင် စီက ယခုနှစ်ဇူလိုင်လအတွင်း အင်အားရာပေါင်းများစွာစစ်ကြောင်းထိုး၍ ထိုးစစ်ဆင်ခဲ့သော်လည်း သေဆုံးမှုများစွာ ဖြင့်ပင် ဆုတ်ခွာခဲ့ရပြီးနောက် ယခုတစ်ကြိမ် ထပ်မံ ထိုးစစ်ဆင်နေခြင်းဖြစ်သည်။
