ရှမ်း – ကယား(ကရင်နီ)ပြည်နယ်အစပ် မိုးဗြဲမြို့တွင် စစ်ကောင်စီတပ်နှင့် တိုက်ပွဲပြင်းထန်နေကြောင်း မိုးဗြဲပြည်သူ့ကာကွယ်ရေးတပ်(MBPDF)က ယနေ့(စက်တင်ဘာ ၈ရက်) ထုတ်ပြန်သည်။
အကြမ်းဖက်စစ်ကောင်စီဘက်က မိုးဗြဲမြို့ လူနေရပ်ကွက်ထဲဝင်လာပြီး လက်နက်ကြီး၊ လက်နက်ငယ်များဖြင့် ပစ်ခတ်နေသည်ဟုလည်း ဆိုသည်။
ထို့ကြောင့် ပြည်သူများအနေဖြင့် လုံခြုံစိတ်ချရသောနေရာတွင် နေပေးရန်နှင့် ခရီးသွားပြည်သူများအနေဖြင့် မိုးဗြဲလမ်းပိုင်းကို အသုံးမပြုသေးရန် MBPDFက သတိပေးသည်။
“မနက် ၈ခွဲလောက်ကစ ပစ်နေကြတာ။အခု(နံနက် ၁၀ နာရီ)အထိ ကြမ်းနေတုန်း။နောက်ဆက်တွဲသတင်းကတော့ ညနေပိုင်းလောက်မှ အတိအကျပြောလို့ရမယ်”ဟု MBPDF တာဝန်ရှိသူက လူထုနွေဦးသို့ ပြောသည်။
Public Service Announcement
မိုးဗြဲမြို့တွင်းသို့ အကြမ်းဖက်စစ်ကောင်စီက မကြာခဏဝင်ရောက်ထိုးစစ်ဆင်မှုများရှိ၍ ယခင်လကလည်း တိုက်ပွဲများဖြစ်ပွားခဲ့သည်။
