ကချင်ပြည်နယ် ဖားကန့်မြို့တွင် ကချင်လွတ် မြောက်ရေးတပ်မတော်(KIA)၊PDF ပူးပေါင်းအဖွဲ့နှင့် စစ်ကောင်စီတပ် ယနေ့ နံနက် တိုက်ပွဲဖြစ်ပွားနေပြီး စစ်ကောင်စီဘက်က ပစ်ခတ်သည့်လက်နက်ကြီးကျည်မှာ ကျေးရွာအတွင်း ကျရောက်ပေါက်ကွဲခဲ့သည်။
ဖားကန့်မြို့နယ်လုံးခင်းအုပ်စု မှော်ပုံရွာတွင် ယနေ့ (စက်တင်ဘာ ၁၄ရက်)နံနက် ၅နာရီ ခွဲခန့်မှစ၍ တိုက်ပွဲဖြစ်ခဲ့ပြီး စစ်ကောင်စီက လက်နက် ကြီး အသုံးပြုတိုက်ခိုက်ခဲ့သည်ဟု ဒေသခံများကပြောသည်။
တိုက်ပွဲအတွင်း စစ်ကောင်စီတပ်က အရပ်သားတစ်ဦးကိုပါ ဖမ်းဆီးသွားသည်ဟု ဆိုသည်။
“မှော်ပုံဘုန်းကြီးကျောင်းနားနဲ့ ရွာထဲကိုလည်း စစ်ကောင်စီပစ်တဲ့ လက်နက်ကြီးကျည်တွေ ကျတယ်။ လူထိ မထိ မသိရသေးဘူး။ အခြေအနေတွေက ရှုပ်ထွေးနေတယ်”ဟု ဒေသခံတစ်ဦးကပြောသည်။
Public Service Announcement
ယနေ့ နံနက် ၉နာရီခန့်တွင် ပစ်ခတ်မှုများ ငြိမ်သက်နေသော်လည်း ဒေသခံများသည် ဘေးလွတ် ရာသို့ ထွက်ပြေးတိမ်းရှောင်နေကြသည်။
KIA၊PDF ပူးပေါင်းအဖွဲ့သည် ဖားကန့်အပြင်.တနိုင်းဒေသနှင့် ရှမ်းပြည်နယ်မြောက်ပိုင်းတွင်လည်း စစ်ကောင်စီကို တိုက်ခိုက်နေသည်။
