ကရင့်အမျိုးသားအစည်းအရုံး တပ်မဟာ (၆) နယ်မြေ တောင်နီကျေးရွာအနီးကတောင်ကုန်းတစ်ခုကို ကျူးကျော်အခြေပြုဖို့ ကြိုးစား နေတဲ့ စစ်ကောင်စီတပ်နဲ့ KNLA ပူးပေါင်းတပ်တို့အကြား ဒီကနေ့မှာ တိုက်ပွဲဆက်လက်ဖြစ်ပွါးရာ စစ်ကောင်စီဘက်က ငါးဦး သေဆုံးခဲ့တယ်လို့ ကော်ဘရာစစ်ကြောင်းက သတင်းထုတ်ပြန်ပါတယ်။
တောင်နီကျေးရွာအနီးက တောင်ကုန်းတစ်ခုကို ကျူးကျော်ဖို့ကြိုးစားနေတဲ့ စစ်ကောင်စီတပ်မ(၄၄) လက်အောက်ခံ နည်းဗျူဟာ(၃) ကွပ်ကဲမှုရဲ့ တပ်တွေကို KNLA တပ်ရင်း(၂၇) ကော်ဘရာစစ်ကြောင်းနဲ့ တပ်မဟာစစ်ကြောင်းရဲ့ တပ်ခွဲ(၂) ပူးပေါင်းတပ်ဖွဲ့တွေက ခုခံတိုက်ခိုက်လျက်ရှိတာဖြစ်ပါတယ်။
တိုက်ပွဲအတွင်း ပူးပေါင်းတပ်ဖွဲ့တွေဘက်က လက်ဖြောင့်စနိုက်ဘာ စစ်သည်တွေရဲ့ စွမ်းဆောင်ချက်နဲ့ စစ်ကောင်စီဘက်က ငါးဦး သေဆုံးခဲ့တယ်လို့ စစ်မြေပြင်သတင်း အတည်ပြုချက်အရသိရပါတယ်။
