မြင်းမူမြို့ မြန်မာ့စီးပွားရေးဘဏ် ကင်းစောင့်နေသော စစ်အုပ်စုကို ဗုံးဖြင့်ပစ်ခတ်တိုက်ခိုက်

စစ်ကိုင်းတိုင်း၊ မြင်းမူမြို့ မြန်မာ့စီးပွားရေးဘဏ်၌ ကင်းစောင့်နေသော စစ်ကောင်စီတပ်အား လျက်ဆားပုလင်းဗုံးဖြင့် တိုက်ခိုက်ခဲ့ပြီး စစ်ကောင်စီဘက်က ထိခိုက်သေဆုံးမှုများရှိကြောင်း Zero ပြောက်ကျား တပ်ဖွဲ့ခေါင်းဆောင် ကိုသက်ကြီးက ပြောသည်။

ယနေ့ (အောက်တိုဘာ၂၈ ရက်) ညနေ ၆နာရီ၂၅ မိနစ်ခန့်က မြင်းမူမြို့၊ မြန်မာ့စီးပွားရေးဘဏ်တွင် အစောင့်ကျနေသည့် စစိကောင်စီတပ်ဖွဲ့ဝင် ငါးဦးကို လျက်ဆားပုလင်းဗုံးဖြင့် ပစ်ခတ်တိုက်ခိုက်ခဲ့ရာ စစ်ကောင်စီတပ်ဖွဲ့ဝင် လေးဦးနေရာတွင်သေဆုံးသွားပြီး တစ်ဦးမှာပြင်းထန်ဒဏ်ရာရရှိသွားကြောင်း Zero ပြောက်ကျားတပ်ဖွဲ့ခေါင်းဆောင် ကိုသက်ကြီးက ပြောသည်။

“တစ်ကောင်လည်း အခြေအနေမကောင်းနိုင်ဘူး။ ကျွန်တော်တို့လျက်ဆားပုလင်းက တအားပြင်းတာ။ အဲဒီနှစ်လုံးကို တစ်ဘရိတ်ထဲခွဲနိုင်ရင် ကားတစ်စီးလန်တယ်။ မြို့ပေါ်မှာ သေနတ်တွေနဲ့ အချက်ငါးဆယ်လောက်ရှိပြီ လိုက်ပစ်နေတယ်။ တစ်မြို့လုံး မည်းမည်းမြင်ရာလိုက်ပစ်နေတယ်။”ဟု Zero ပြောက်ကျားတပ်ဖွဲ့ခေါင်းဆောင် ကိုသက်ကြီးက ပြောသည်။

မြင်းခြံခရိုင်တပ်ရင်း (၇)Zero ပြောက်ကျားတပ်ဖွဲ့(မြင်းခြံ)၊ True Figher အဖွဲ့တို့ ပူးပေါင်းတိုက်ခိုက်ခဲ့ကြောင်း အသိပေးသည်။

Public Service Announcement

မြင်းမူမြို့ပေါ် မြန်မာ့စီးပွားရေးဘဏ်အနီး၌ ပေါက်ကွဲသံများကြားလိုက်ရကြောင်း မြို့ခံများက အတည်ပြုပြောကြားသည်။ စစ်ကောင်စီဘက်က ထိခိုက်သေဆုံးမှုကို ထပ်မံအတည်ပြုနိုင်ခြင်း မရှိသေးပေ။

ယမန်နေ့ကလည်း ​မြောင်မြို့ပေါ်ရှိ မြန်မာ့စီးပွားရေးဘဏ်၌ ကင်းစောင့်နေသောစစ်ကောင်စီတပ်ဖွဲ့တိုက်ခိုက်ခံရပြီး လေးဦးသေဆုံးခဲ့သေးသည်။