Connect with us

Hi, what are you looking for?

သတင်း

ခင်ဦးနယ်တွင် စစ်ကောင်စီစစ်ကြောင်းနှစ်ခုကို မိုင်းဆွဲတိုက်ခိုက်၊ ထိခိုက်မှုရှိဟု KSOအဖွဲ့ပြော

ယနေ့(နိုဝင်ဘာလ ၁၅ ရက်)နံနက် ၆ နာရီ ၁၅မိနစ်ခန့်က ရေဦးမြို့မှ အင်အား၁၀၀ခန့်ပါ စစ်ကောင်စီတပ်သည် စစ်ကြောင်း နှစ်ခုခွဲကာ ခင်ဦးနယ်အနောက်ခြမ်းကျေးရွာများအား စစ်ကြောင်းထိုးခဲ့သည်။

KSO အဖွဲ့ဝင်ရဲဘော်များအား တွေ့ရစဥ်၊ ဓာတ်ပုံ-KSO
KSO အဖွဲ့ဝင်ရဲဘော်များအား တွေ့ရစဥ်၊ ဓာတ်ပုံ-KSO

စစ်ကိုင်းတိုင်း၊ ခင်ဦးမြို့နယ်တွင် စစ်ကောင်စီ၏ ထောက်ပို့စစ်ကြောင်းနှင့် ရွာစဥ်လှည့်စစ်ကြောင်းများအား မိုင်းဆွဲတိုက်ခိုက်ရာ စစ်ကောင်စီတပ်ဖွဲ့ဝင် ၁၄ ဦးခန့်သေဆုံးကြောင်းKhinU Special Force Organization- KSOအဖွဲ့ တာဝန်ခံက ပြောသည်။

ယနေ့(နိုဝင်ဘာလ ၁၅ ရက်)နံနက် ၆ နာရီ ၁၅မိနစ်ခန့်က ရေဦးမြို့မှ အင်အား၁၀၀ခန့်ပါ စစ်ကောင်စီတပ်သည် စစ်ကြောင်း နှစ်ခုခွဲကာ ခင်ဦးနယ်အနောက်ခြမ်းကျေးရွာများအား စစ်ကြောင်းထိုးခဲ့သည်။

ထို့နောက် မူးတိမ်ချောင်းတံတားဂိတ်နှင့် ပျဥ်ထောင်ပျူစောထီးရွာများသို့ လက်နက်ရိက္ခာများ ထောက်ပို့ပေးခဲ့ကြောင်း၊ နံနက် ၇နာရီခန့်တွင် အင်အား ၅၀ခန့်ပါသော စစ်ကြောင်းသည် ရေဦး-ခင်ဦး ကားလမ်းပိုင်းပေါ်ရှိ မူးတိမ်ချောင်းတံတားသို့ ကား နှစ်စီးဖြင့် ထောက်ပို့လာရန်ပြင်ဆင်ခဲ့ကြောင်း KSOအဖွဲ့ တာဝန်ခံက ပြောသည်။

အဆိုပါ ကား နှစ်စီးကို ခြေလျင်ဖြင့် လမ်းပိုင်းလုံခြုံရေးယူရန်လာသော စစ်ကောင်စီတပ်နှင့်ပျူများအား KSOတပ်ဖွဲ့၊မြို့နယ်တပ်ရင်း(ခရိုင်တပ်ရင်း-၃)၊ မြို့နယ်(ပကဖ)အဖွဲ့နှင့် ဒေသတွင်းမဟာမိတ်များပူးပေါင်းကာ မြင်းဒေါင်းကျေးရွာ အဝင်၌ ပွိုင့်၆ခု (မိုင်း၁၂လုံး)ဖြင့် ဖောက်ခွဲတိုက်ခိုက်ခဲ့ရာ စစ်ကောင်စီတပ်ဖွဲ့ဝင် ၁၀ဦးသေဆုံးကြောင်း KSOအဖွဲ့ တာဝန်ခံက ပြောသည်။

Public Service Announcement

Public Service Announcement

ထို့​နောက် အင်အား ၅၀ခန့်ပါသော စစ်ကြောင်းတစ်ခုသည် ချမ်းသာကုန်း၊မရမ်းအင်း၊ကုန်းသာ၊အင်းပတ်ကျေးရွာတို့အား ဝင်ရောက်မွှေနှောက်နေချိန် ကျေးရွာတစ်ခု၏ လမ်းခုလတ်တစ်နေရာတွင် KSOတပ်ဖွဲ့က တိုက်မိုင်း(၃)လုံးဖြင့် တိုက်ခိုက်ခဲ့ရာ နေရာမှာပင် စစ်ကောင်စီတပ်သား လေးဦးခန့်သေဆုံးကြောင်း KSOအဖွဲ့ တာဝန်ခံက ပြောသည်။

သို့သော် စစ်ကောင်စီဘက်က ထိခိုက်သေဆုံးမှုများအား လူထုနွေဦးက ထပ်မံအတည်ပြုနိုင်ခြင်း မရှိသေးပေ။

အဆိုပါ စစ်ကြောင်း ပြန်အဆုတ်တွင်လည်း အခြားသော မဟာမိတ်တပ်ဖွဲ့များက မိုင်းထပ်ဆွဲကာ တိုက်ခိုက်ခဲ့ပြီး သေဆုံးအရေအတွက်များလာနိုင်သည်ဟု KSOအဖွဲ့ တာဝန်ခံက ဆိုသည်။

“စစ်ကြောင်းနှစ်ကြောင်းကိုမှ တစ်ကြောင်းက ကျေးရွာတွေကိုလှည့်စစ်ကြောင်းထိုးတာ။ တစ်ကြောင်းက ရိက္ခာသွားပို့တာ။ ဒီနေ့ တခြားအဖွဲ့တွေကလည်း ဒီစစ်ကြောင်းတွေကိုပဲ ဆွဲကြတယ်။ အဖွဲ့အစည်းများတယ်။ သူတို့က ပွိုင့်တော်တော်များများဆွဲတယ်။”ဟု KSOအဖွဲ့ တာဝန်ခံက ပြောသည်။

စစ်ကြောင်းနှစ်ခုအား ရေဦးမြို့ဘက်က လက်နက်ကြီးပစ်ကူပေးခဲ့ရာ ဒေသခံတစ်ဦး ထိမှန်ပြီး မစိုးရိမ်ရဒဏ်ရာ ရရှိခဲ့ကြောင်း ဒေသခံများက ပြောသည်။

ယာတော်ရွာနေ အသက်၃၀အရွယ် ဒေသခံ အမျိုးသားတစ်ဦးအား ဖမ်းဆီးသွားပြီး မူးမြစ်အရှေ့ဘက် ကားဆိပ်တောကိုင်းလျှော်ဖြူခြံထဲတွင်ရှိနေသေးကြောင်း ဒေသခံများက ပြောသည်။

ခင်ဦးမြို့နယ်တွင် ယနေ့နံနက်ပိုင်းက စစ်ကောင်စီတပ်က စစ်ကြောင်းထိုးပစ်ခတ်ဖမ်းဆီးမှုများ ပြုလုပ်နေ၍ ခင်ဦးအနောက်ခြမ်းရှိ အင်းပတ်ရွာ၊ချမ်းသာကုန်း(ခ)အောင်ချမ်းသာရွာ၊မရမ်းအင်းရွာ၊ကုန်းသာရွာ စသည့် ကျေးရွာများမှ ဒေသခံပြည်သူထောင်ချီ ထွက်ပြေးတိမ်းရှောင်နေရသည်။

ဆက်စပ်သတင်းများ

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

စစ်ကိုင်းတိုင်း၊ ဝန်းသိုမြို့နယ် ကံကုန်းကို ရောက် နေတဲ့ စစ်ကြောင်းတွေနဲ့ တော်လှန်ရေးတပ်တွေ မနေ့ညပိုင်းက အပြင်းထန်တိုက်ပွဲဖြစ်ခဲ့ပြီး စစ်တပ်အထိခိုက်အကျဆုံးများတယ်လို့ တော်လှန်ရေး သတင်းအရင်းမြစ်တွေက ပြောပါတယ်။

သတင်း

တနိုင်ငံလုံးအပစ်ရပ်စာချုပ်(NCA)အပေး လူထုရဲ့ ယုံကြည်ကိုးစားမှု လျော့နည်းကျဆင်းခဲ့ကြောင်း နေပြည်တော်မှာ ကျင်းပတဲ့ NCA စာချုပ်ချုပ်ဆိုမှု ၁၁နှစ်မြောက်နှစ်ပတ်လည် အခမ်းအနားမှာ ရှမ်းပြည်ပြန်လည်ထူထောင်ရေးကောင်စီ(RCSS)ကိုယ်စားလှယ် ဗိုလ်မှူးကြီးစိုင်းငင်းက ပြောပါတယ်။

သတင်း

ထိုင်းနိုင်ငံရောက် မြန်မာလုပ်သားတွေအနေနဲ့ မိသားစုထံ ၃လစာငွေလွှဲပို့ထားသူတွေကို မည်သူမည်ဝါဖြစ်ကြောင်းသက်သေခံလက်မှတ် (CI) ထုတ်ပေးရေးစခန်း ၅ခုပြန်ဖွင့်ပြီး လုပ်ပေးသွားမယ်လို့ စစ်အုပ်စုကထုတ်ပြန်ပါတယ် ။

Facebook