ဆောမြို့နယ်ရဲစခန်းမှ အရာရှိအပါအဝင်ရဲ​လေးဦး လက်နက်နှင့်တစ်ကွ အလင်းဝင်

ဆောမြို့မရဲစခန်းမှဒုတပ်ကြပ်တစ်ဦးနှင့်ရဲတပ်သား(၃) ဦးလက်နက်နှင့်တကွအလင်းဝင်ရောက်လာကြောင်းအမှတ်(၁)စစ်ဒေသ၊ ဂန့်ဂေါခရိုင်၊ အမှတ်(၃) တပ်ရင်းမှူးက People’s Spring သို့ပြောသည်။

အဆိုပါအလင်းဝင်လာသည့် ရဲတပ်သားများကို ယခုလ ၁၄ ရက်တွင် ဂုဏ်ပြုအခမ်းအနားနှင့်ဆုငွေများပေးအပ်ခဲ့သည်။

“လွန်ခဲ့တဲ့တစ်ပတ်က ကျွန်တော်တို့ဆီအလင်းဝင်လာတာ။စုစုပေါင်း ရဲငါးယောက်။ကျွန်တော် တို့တပ်ရင်းဆီကို လေးဦးရောက်လာတယ်။သူတို့ထဲက တစ်ဦးက G 3 တစ်လက်ပါလာတယ်။တခြားတစ်ဦးက ကျွန်တော်တို့နယ်မြေက တပ်ရင်းတစ်ခုကို ရောက်သွားတယ်”ဟုအထက်ပါတပ်ရင်းမှူးက ဆက်​ပြောသည်။

အလင်းဝင်ရောက်လာသည့်ရဲတပ်သားများက စစ်ကောင်စီအနေဖြင့် နယ်မြေထိန်းချုပ်နိုင်စွမ်းမရှိ ခြင်းအပါအဝင် ၎င်းတို့အတွက် လုံခြုံမှုမရှိတော့ကြောင်း ထွက်ဆိုထားသည်။

Public Service Announcement

ထို့အပြင် ယခုလ ၂ ရက်ကလည်း ဆောမြို့နယ်ရဲစခန်းမှ ရဲတပ်သားတစ်ဦးသည် G3 သေနတ် ၁ လက် ၊ ကျည်ဘောက် ၂ ခု နှင့် ကျည် ၅၃ တောင့်ဖြင့် အလင်းဝင်လာကြောင်း ကျောက်ထု PDF က အသိပေးသည်။

အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာနအနေဖြင့် အာဏာသိမ်းအကြမ်းဖက်စစ်ကောင်စီတပ်တွင် ဆက်လက်တာဝန်ထမ်းဆောင်လိုခြင်းမရှိသူများကို လက်ကမ်းကြိုဆိုနေမည်ဖြစ်ကြောင်း ယနေ့ (နိုဝင်ဘာ ၁၇ ရက်) တွင် သီးခြားထုတ်ပြန်သည်။