Connect with us

Hi, what are you looking for?

သတင်း

ကုန်းသာရွာတွင် စစ်​ကောင်စီတပ်ကားကိုမိုင်းဆွဲပြီး စခန်းချရာ​နေရာကို ကရင်နီပူး​ပေါင်းတပ်များတိုက်ခိုက်

နိုဝင်ဘာ ၁၆ ရက် ည ၁၀ နာရီခန့်ကကရင်နီတပ်ပေါင်းစု ထောင်ထားသည့်ကားမိုင်းသည် စစ်ကောင်စီတပ်ကားကိုတည့်တည့်ထိမှန်ပေါက်ကွဲခဲ့သည်ဟုသိရသည်။

(KRU တပ်ဖွဲ့ဝင်အချို့ကို ​ရှေ့တန်းတစ်​နေရာတွင်​တွေ့ရစဥ်။ ဓါတ်ပုံ-KRU)
(KRU တပ်ဖွဲ့ဝင်အချို့ကို ​ရှေ့တန်းတစ်​နေရာတွင်​တွေ့ရစဥ်။ ဓါတ်ပုံ-KRU)

ဒီးမော့ဆိုမြို့နယ်၊ ကုန်းသာကျေးရွာတွင် စစ်ကောင်စီတပ်ကားတစ်စီးကို မိုင်းခွဲတိုက်ခိုက်ခဲ့ပြီး တပ်စွဲထားသည့် နေရာကိုပါ ကရင်နီ​ပူး​ပေါင်းတပ်များက ဝင်ရောက်တိုက် ခိုက်ခဲ့ကြောင်း ကရင်နီတော်လှန်ရေးတပ်ပေါင်းစု (KRU) ၏ ဒုတပ်ရင်းမှူး Phoenix က ပြော သည်။

နိုဝင်ဘာ ၁၆ ရက် ည ၁၀ နာရီခန့်ကကရင်နီတပ်ပေါင်းစု ထောင်ထားသည့်ကားမိုင်းသည် စစ်ကောင်စီတပ်ကားကိုတည့်တည့်ထိမှန်ပေါက်ကွဲခဲ့သည်ဟုသိရသည်။

“ကားတစ်စီးလုံးရစရာမရှိအောင် ဖြစ်သွားတယ်။မိုင်းကွဲပြီးကတည်းကတက်ဖို့တစ်ညလုံးကြိုးစားတယ်။မနက်မိုးလင်းတော့ဝင်ပြီးနေ့လယ်လောက်မှစတိုက်တာပါ”ဟုအထက်ပါတာဝန်ရှိသူက ဆက်​ပြောသည်။

စစ်​ကောင်စီတပ်ကားမိုင်းထိပြီး​နောက် စစ်တပ်က ယမန်​နေ့နံနက် ၆ နာရီမှစ၍ လက်နက်ကြီးဖြင့် ရမ်းသမ်းပစ်ခတ်ခဲ့​ကြောင်းသိရသည်။

Public Service Announcement

Public Service Announcement

ယမန်​နေ့ (နိုဝင်ဘာ ၁၇) ​နေ့ခင်းပိုင်းတွင်စစ်ကောင်စီတပ်စွဲထားသည့်နေရာများကို ကရင်နီပူး​ပေါင်းတပ်များက RPG များဖြင့်ပါထိထိ​ရောက်​ရောက်တိုက်ခိုက်ခဲ့ကြောင်းလည်းသိရသည်။ စစ်​ကောင်စီတပ်ကားကိုမိုင်းဆွဲ တိုက်ခိုက်မှုနှင့် စခန်းချရာ​နေရာကို တိုက်ခိုက်မှုတို့တွင် စစ်သားများ​သေဆုံးထိခိုက်မှုများနိုင်​ပြီး ​သေဆုံးဒဏ်ရာရသူအ​ရေအတွက်ကို အတည်မပြုနိုင်​​သေးကြောင်း သိရသည်။ကရင်နီတပ်ပေါင်းစုမှ အထိအခိုက်အကျဆုံးမရှိအောင်မြင်စွာဆုတ်ခွာနိုင်ခဲ့​ကြောင်းလည်း KRU ဒုတပ်ရင်းမှူးက​ပြောသည်။

ကုန်းသာကျေးရွာစစ်ဆင်ရေးတွင် ကရင်နီအမျိုးသားများကာကွယ်ရေးတပ်KNDF ၊ဒီးမော့ဆိုမြို့နယ်ပြည်သူ့ကာကွယ်ရေးတပ်၊အလယ်ပိုင်းတိုင်းအထူးစစ်ဆင်ရေးအဖွဲ့ KRU တို့ ပူး ပေါင်းတိုက်ခိုက်ခဲ့ခြင်းဖြစ်သည်။

စစ်ကောင်စီတပ်သည် ဒီးမော့ဆိုမြို့နယ်လွယ်နန်းဖကျေးရွာ မှကုန်းသာ ကျေးရွာအထိနယ်မြေစိုးမိုးမှုရယူထားပြီး အင်အား ၂၀၀ ခန့်ဖြင့်တပ်စွဲထားကြောင်းသိရသည်။

“ကရင်နီကပြည်သူတွေကတော့ တိုက်ပွဲက ရိုးနေပြီမို့ ပြည်မဘက်ကပြည်သူတွေကို အားလုံးနဲ့သက်ဆိုင်တဲ့တော်လှန်ရေးမို့ သွေးမအေးစေချင်ပါဘူး။နိုင်တဲ့တာဝန်ထမ်းစေချင်ပါတယ်”ဟု ဒုတပ်ရင်းမှူး Phoenix က​ပြောသည်။

ဆက်စပ်သတင်းများ

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

ကရင်နီဒေသက စစ်ဘေးရှောင်ကလေးငယ်တွေရဲ့ ပညာရေးအတွက် ထောက်ပံ့ပေးမယ့် "Keep Their Dreams Alive Thadingyut Charity Concert 2026" ပွဲကို အွန်လိုင်းကနေ ပြုလုပ်သွားမှာဖြစ်ပြီး တော်လှန်အနုပညာရှင် ဂီတအဖွဲ့ သုံးဖွဲ့က ပါဝင်တင်ဆက်သွားမှာပါ။

သတင်း

တနိုင်ငံလုံးအပစ်ရပ်စာချုပ်(NCA)အပေး လူထုရဲ့ ယုံကြည်ကိုးစားမှု လျော့နည်းကျဆင်းခဲ့ကြောင်း နေပြည်တော်မှာ ကျင်းပတဲ့ NCA စာချုပ်ချုပ်ဆိုမှု ၁၁နှစ်မြောက်နှစ်ပတ်လည် အခမ်းအနားမှာ ရှမ်းပြည်ပြန်လည်ထူထောင်ရေးကောင်စီ(RCSS)ကိုယ်စားလှယ် ဗိုလ်မှူးကြီးစိုင်းငင်းက ပြောပါတယ်။

သတင်း

ထိုင်းနိုင်ငံရောက် မြန်မာလုပ်သားတွေအနေနဲ့ မိသားစုထံ ၃လစာငွေလွှဲပို့ထားသူတွေကို မည်သူမည်ဝါဖြစ်ကြောင်းသက်သေခံလက်မှတ် (CI) ထုတ်ပေးရေးစခန်း ၅ခုပြန်ဖွင့်ပြီး လုပ်ပေးသွားမယ်လို့ စစ်အုပ်စုကထုတ်ပြန်ပါတယ် ။

Facebook