ထားဝယ်သို့ ခရီးသည်တင်ယာဥ်ဖြင့်လိုက်ပါလာသည့် စစ်ကောင်စီဗိုလ်မှူးတစ်ဦးကို PDF ဖမ်းမိ

ပြန်လည်ခုခံသဖြင့် ပစ်ခတ်ခဲ့ရဟုဆို

မြိတ်မြို့မှ ထားဝယ်မြို့သို့ အရပ်ဝတ်ဖြင့် ခရီးသည်တင်ယာဥ်နှင့်လိုက်ပါလာသော စစ်ကောင်စီတပ်မှ ဗိုလ်မှူးတစ်ဦးကို ဖမ်းဆီးရမိခဲ့ကြောင်း တနင်္သာရီတိုင်းရှိ PDFတပ်ဖွဲ့ဝင် ရဲဘော်တစ်ဦးက ပြောသည်။

“ပုလောဘက်နေ ထားဝယ်ဘက်ကို ပြောင်းရွှေ့တာကို အရပ်သားဟန်ဆောင်ပြီးလာတဲ့ အချိန် PDFတွေက ဖမ်းမိသွားတာ”ဟု တနင်္သာရီတိုင်းရှိ PDFတပ်ဖွဲ့ဝင် ရဲဘော်တစ်ဦးက ပြောသည်။

နိုဝင်ဘာ ၂၆ ရက် ည ၇ နာရီခွဲက မြိတ်မြို့မှ ထား၀ယ်မြို့သို့ ထွက်ခွာလာသော ခရီးသည်တင်ယာဥ်ပေါ်တွင် အရပ်ဝတ်ဖြင့် လိုက်ပါလာသည့် စစ်ကောင်စီတပ်မှ ဗိုလ်မှူးဝင်းဌေးနိုင်ဆိုသူကို သရက်ချောင်းမြို့နယ် ဘုတ်တောင်၌ ဖမ်းဆီးရမိခဲ့သည်ဟု ကစယ်ဒိုဖက်ဒရယ်စစ်ကြောင်းက ယနေ့(နိုဝင်ဘာ ၂၈) ထုတ်ပြန် သည်။

ဖမ်းမိသူမှာဗိုလ်မှူးဖြစ်​ကြောင်းမည်သို့စိစစ်သိရှိရပုံကိုPeople’sSpring က​မေးမြန်းရာ “စိစစ်ရေးကတ်ပြားမှာသူ့နာမည်ပါတယ်။စိစစ်ရေးကတ်ပြားသူ့မှာပါတယ်။”ဟု အဆိုပါစစ်ကြောင်းတာဝန်ရှိသူက​​ပြောကြားသည်။

Public Service Announcement

အဆိုပါ ဗိုလ်မှူး၀င်းဌေးနိုင် (ကြည်း ၃၅၃၆၆)သည် စစ်ကောင်စီ၏ အမှတ်(၁၂)တပ်မတော်တန်းမြင့်လေ့ကျင့်ရေးသင်တန်းကျောင်းမှ လမ်းကြုံလိုက်လာသည်ဟုသိရပြီး စစ်ဆေးမေးမြန်နေစဉ်အတွင်း ပြန်လည်ခုခံရန် ကြိုစားသဖြင့် ပစ်ခတ်ခဲ့ရကြောင်းလည်း အသိပေးထားသည်။