တွေ့ဆုံဆွေးနွေးရေးအတွက် ကြိုးပမ်းနေတယ်လို့ အပစ်ရပ် ၁၀ ဖွဲ့ရဲ့ ငြိမ်းချမ်းရေး ဦးဆောင်အဖွဲ့ ဥက္ကဋ္ဌ ဆို

မြန်မာနိုင်ငံရဲ့ နိုင်ငံရေးအကျပ်အတည်းကိုဖြေရှင်းဖို့ အတွက် တွေ့ဆုံဆွေးနွေးရေးအကောင်အထည်ဖော်နိုင်အောင် ကြိုးပမ်းနေတယ်လို့ အပစ်ရပ် ၁၀ ဖွဲ့ရဲ့ ငြိမ်းချမ်းရေး လုပ်ငန်းစဉ် ဦးဆောင်အဖွဲ့ ခေါင်းဆောင်က ပြောလိုက်ပါတယ်။

NUG အစိုးရက လူထုရဲ့ ခုခံတော်လှန်စစ် စတင်ပြီလို့ ကြေညာလိုက်သလို အပစ်ရပ် ၁၀ ဖွဲ့ ရဲ့ ငြိမ်းချမ်းရေး လုပ်ငန်းစဉ် အဖွဲ့ အစည်းအဝေးဟာလည်းဒီနေ့မှာ ကျင်းပခဲ့တာရှိပါတယ်။

အဲဒီအစည်းအဝေးအဖွင့်မိန့်ခွန်းမှာ အဖွဲ့ခေါင်းဆောင် နိုင်အောင်မင်းက မကြာမီပြည်တွင်းကိုရောက်လာမယ့် အာဆီယံ ကိုယ်စားလှယ် နဲ့တွေ့ဆုံဆွေးနွေးနိုင်ဖို့ကြိုးပမ်းနေတယ်လို့ ပြောပါတယ်။

လက်ရှိနိုင်ငံရေးအကျပ်အတည်းကို ဖြေရှင်းရာမှာ NCA စာချုပ်ကိုအခြေခံပြီး သက်ဆိုင်ရာအဖွဲ့အစည်း အားလုံးပါတဲ့ တွေ့ဆုံဆွေးနွေးပွဲ တွေ ကျင်းပပြီး ဖြေရှင်းဖို့ ကြိုးပမ်းမယ်ဆိုတာကို ကြေညာထားပြီးဖြစ်တယ်လို့ ဆိုပါတယ်။

Public Service Announcement

ဒါကြောင့် တွေ့ဆုံဆွေးနွေးပွဲတွေ ကျင်းပနိုင်အောင် NCA စာချုပ်အသိသက်သေ နိုင်ငံတွေနဲ့ အဖွဲ့အစည်းတွေက ကြားဝင်စေ့စပ် ဆောင်ရွက်ပေးဖို့မေတ္တာရပ်ခံထားတယ်လို့လည်းပြောပါတယ်။