စစ်ကိုင်းတိုင်း ရွှေဘိုမြို့ပေါ်တွင် ယနေ့နံနက်က စစ်ကောင်စီသတင်းပေးဟုဆိုသူ အမျိုးသားတစ်ဦးအား သေနတ်ဖြင့်ပစ်ခဲ့ရာ ပြင်းထန်စွာဒဏ်ရာရရှိသွားကြောင်း People Defense Force – Shweboက ထုတ်ပြန် သည်။
ယနေ့( စက်တင်ဘာ ၁၁ ရက်) နံနက် ၆ နာရီခန့်က ရွှေဘိုမြို့ အမှတ် ၅ ရပ်ကွက်ရှိ စစ်ကောင်စီသတင်းပေး ငွေချိုဆိုသူအား ပစ္စတိုဖြင့် ၇ ချက် ပစ်ခတ်သတိပေးခဲ့ရာ ဒဏ်ရာပြင်းထန်ကြောင်း People Defense Force – Shwebo က အသိပေးသည်။
“သူ့မိန်းမကတော့ ဆေးရုံလိုက်သွားတယ်။ သေပြီလို့လည်း ပြောနေကြတယ်”ဟု ရွှေဘိုဒေသခံတစ်ဦးက ပြောသည်။
ရွှေဘိုရှိ စစ်အာဏာရှင်နှင့် လက်ပါးစေအားလုံးကို နှိမ်နင်း တိုက်ခိုက်သွားမည်ဖြစ်သည့်အတွက် ရွှေဘိုနယ်ပြည်သူလူထုကို မတရားနှိပ်စက်နေသော စစ်ကောင်စီခန့် အုပ်ချုပ်ရေးမှူးများ၊ ပျူစောထီးများအားလုံး အချိန်မနှောင်းခင် နှုတ်ထွက် လက်နက်ချကြရန် People Defense Force – Shwebo က သတိပေးထားသည်။
Public Service Announcement
