Connect with us

Hi, what are you looking for?

သတင်း

ချောင်းဦးတွင် စစ်ကောင်စီစစ်ကြောင်းမိုင်းထိ၊ စစ်အုပ်စုက ပစ်ခတ်၍ ပြည်သူနှစ်ဦးသေဆုံးချောင်းဦးချောင်းဦးတွင် စစ်ကောင်စီစစ်ကြောင်းမိုင်းထိ၊ စစ်အုပ်စုက ပစ်ခတ်၍ ပြည်သူနှစ်ဦးသေဆုံး

မိုင်းဆွဲတိုက်ခိုက်ခံရသော စစ်ကြောင်းသည်မုံရွာ-ချောင်းဦးလမ်းမကြီးပေါ်၌ ဆိုင်ကယ်စီးလာ‌သော ပြည်သူအမျိုးသမီးကို မြပုလဲဆီဆိုင်အနီးတွင် သေနတ်ဖြင့် အကြောင်းမဲ့ ထပ်မံပစ်ခတ်သတ်ဖြတ်သွားသည်။

ချောင်းဦးတွင် စစ်ကောင်စီစစ်ကြောင်းမိုင်းထိ၊ စစ်အုပ်စုက ပစ်ခတ်၍ ပြည်သူနှစ်ဦးသေဆုံး
ချောင်းဦးတွင် စစ်ကောင်စီစစ်ကြောင်းမိုင်းထိ၊ စစ်အုပ်စုက ပစ်ခတ်၍ ပြည်သူနှစ်ဦးသေဆုံး

စစ်ကိုင်းတိုင်း၊ ချောင်းဦးမြို့နယ်တွင် စစ်ကောင်စီစစ်ကြောင်းမိုင်းဆွဲတိုက်ခိုက်ခံရပြီး စစ်ကောင်စီတပ်၏ ပစ်ခတ်မှုကြောင့် ပြည်သူနှစ်ဦးသေဆုံးကာ တစ်ဦးပြင်းထန်ဒဏ်ရာရရှိသွားကြောင်း Chaung U Revolution အဖွဲ့က သတင်းထုတ်ပြန်သည်။

ဇန်နဝါရီ၂၆ရက် နံနက်ပိုင်းက ချောင်းဦးမြို့မှထွက်လာသော စစ်ကောင်စီတပ်ဖွဲ့သည် ခင်မွန်နှင့် အောင်ချမ်းသာကျေးရွာကြား၌ ရောက်ရှိလာကာ ခင်မွန်ရွာတောင်ပိုင်းမှ ဒေသခံအမျိုးသားတစ်ဦးအား အကြောင်းမဲ့ပစ်ခတ် သတ်ဖြတ်သွားကြောင်း Chaung U Revolution အဖွဲ့က အသိပေးသည်။

ထို့နောက် ၎င်းစစ်ကြောင်းအား ပြည်သူ့ကာကွယ်ရေးတပ်များက မိုင်းဆွဲတိုက်ခိုက်ခဲ့ပြီး ထိခိုက်မှုမသိရသေးကြောင်း Chaung U Revolution အဖွဲ့က ဆိုသည်။

မိုင်းဆွဲတိုက်ခိုက်ခံရသော စစ်ကြောင်းသည်မုံရွာ-ချောင်းဦးလမ်းမကြီးပေါ်၌ ဆိုင်ကယ်စီးလာ‌သော ပြည်သူအမျိုးသမီးကို မြပုလဲဆီဆိုင်အနီးတွင် သေနတ်ဖြင့် အကြောင်းမဲ့ ထပ်မံပစ်ခတ်သတ်ဖြတ်သွားသည်။

Public Service Announcement

Public Service Announcement

Public Service Announcement
Public Service Announcement

ထို့အပြင် မြပုလဲဆီဆိုင်အနီးရှိ အောင်ချမ်းသာကျေးရွာကို လက်နက်ကြီးလှမ်းထုသဖြင့် ကျေးရွာအတွင်းရှိ အမျိုးသမီးတစ်ဦး လက်နက်ကြီးထိမှန်ကာ ဒဏ်ရာ (ပြင်းထန်) ရရှိခဲ့ကြောင်း Chaung U Revolution အဖွဲ့က ဆိုသည်။

ခင်မွန်ကျေးရွာနှင့် အောင်ချမ်းသာကျေးရွာမှ ပြည်သူများမှာ ဘေးလွတ်ရာသို့ တိမ်းရှောင်ထွက်ပြေးနေရကြောင်း သိရသည်။

ယခုအချိန်ထိ စစ်ကောင်စီတပ်သားများသည် ချောင်းဦး မြပုလဲ ဆီဆိုင်အနီးတွင် ရှိနေပြီး မုံရွာ-ချောင်းဦးကားလမ်းတလျှောက် ကင်းပုန်းများလည်းရှိနေကြောင်း၊ ပြည်သူများအနေဖြင့် မုံရွာ-မန္တလေးလမ်းမကြီးအား အသုံးမပြုသင့်သေးကြောင်း Chaung U Revolution က မေတ္တာရပ်ခံထားသည်။

ထုတ်ပြန်ချက်နှင့်ပတ်သက်၍ Chaung U Revolution အဖွဲ့ထံ ဆက်သွယ်မေးမြန်းရန်ကြိုးစားသော်လည်း လက်တလောဆက်သွယ်၍ မရသေးပေ။

ဆက်စပ်သတင်းများ

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

တနိုင်ငံလုံးအပစ်ရပ်စာချုပ်(NCA)အပေး လူထုရဲ့ ယုံကြည်ကိုးစားမှု လျော့နည်းကျဆင်းခဲ့ကြောင်း နေပြည်တော်မှာ ကျင်းပတဲ့ NCA စာချုပ်ချုပ်ဆိုမှု ၁၁နှစ်မြောက်နှစ်ပတ်လည် အခမ်းအနားမှာ ရှမ်းပြည်ပြန်လည်ထူထောင်ရေးကောင်စီ(RCSS)ကိုယ်စားလှယ် ဗိုလ်မှူးကြီးစိုင်းငင်းက ပြောပါတယ်။

သတင်း

ထိုင်းနိုင်ငံရောက် မြန်မာလုပ်သားတွေအနေနဲ့ မိသားစုထံ ၃လစာငွေလွှဲပို့ထားသူတွေကို မည်သူမည်ဝါဖြစ်ကြောင်းသက်သေခံလက်မှတ် (CI) ထုတ်ပေးရေးစခန်း ၅ခုပြန်ဖွင့်ပြီး လုပ်ပေးသွားမယ်လို့ စစ်အုပ်စုကထုတ်ပြန်ပါတယ် ။

သတင်း

ရန်ကုန်မြို့မှာ စည်ကားကြောင်းပြသဖို့ စစ်ကောင်စီက စျေးပွဲတော်တွေ အဆက်မပြတ်စီစဉ်နေပြီး လူငယ်တွေကို စောင့်ကြည့်ဖို့ ညွှန်ကြားချက်ထုတ်ထားကြောင်း လူထုနွေဦးက စုံစမ်းသိရပါတယ်။