Connect with us

Hi, what are you looking for?

LuduNwayOo

သတင်း

ချောင်းဦးမြို့နယ် ကံကြီးကုန်းရွာမှလာသည့် စစ်ကောင်စီတပ် တိုက်ခိုက်ခံရ

စစ်အုပ်စုဘက်က လက်နက်ကြီး၊ လက်နက်ငယ်များဖြင့် ရမ်းသမ်းပစ်ခတ်ပြီး သေ​ဆုံးသူများအား ကားဖြင့်လာရောက်ကောက်ယူသွားကြောင်းလည်း အသိပေးသည်။ ဖြစ်စဥ်နှင့်ပတ်သက်၍ CLDFထံ ဆက်သွယ်မေး​မြန်းထားပြီး ပြန်လည်ဖြေကြားခြင်း မရှိသေးပေ။

ကံကြီးကုန်းရွာတွင် ပြီးခဲ့သည့်နှစ်အတွင်းက စစ်ကောင်စီက ပျူများအား ထောက်ပံ့နေသည်ကို တွေ့ရစဥ်၊ ဓာတ်ပုံ - Cj
ကံကြီးကုန်းရွာတွင် ပြီးခဲ့သည့်နှစ်အတွင်းက စစ်ကောင်စီက ပျူများအား ထောက်ပံ့နေသည်ကို တွေ့ရစဥ်၊ ဓာတ်ပုံ - Cj

စစ်ကိုင်းတိုင်း၊ ချောင်းဦးမြို့နယ်တွင် ကျေးရွာများအား ဝင်ရောက်မွှေနှောက်ဖျက်ဆီးရန် ထွက်လာသည့် စစ်ကောင်စီတ​ပ်နှင့်​ပျူစောထီးများအား ခြုံခိုတိုက်ခိုက်ခဲ့ရာ သုံးဦးထက်မနည်း သေဆုံးနိုင်ကြောင်း ချောင်းဦးမြို့နယ်ဒေသခံကာကွယ်ရေးတပ်ဖွဲ့ (CLDF)က သတင်းထုတ်ပြန်သည်။

ဇန်နဝါရီ ၁၂ ရက် နံနက် ၈နာရီခွဲခန့်က ချောင်းဦးမြို့နယ်၊ ကံကြီးကုန်းကျေးရွာမှ ထွက်လာသော စစ်ကောင်စီတပ်နှင့်ပျူများအား ကင်းပုန်းဝပ်၍ ပြောက်ကျားနည်းဖြင့် ခြုံခို၍ မိုင်းခွဲတိုက်ခိုက်ခဲ့ကြောင်း CLDFက အသိပေးသည်။

ထိုသို့တိုက်ခိုက်မှုကြောင့် စစ်ကောင်စီတပ်နှင့်ပျူ သုံးဦးထက်မနည်း သေဆုံးနိုင်ကြောင်း CLDFက ဆိုသည်။

ကံကြီးကုန်းရွာမှ စစ်ကောင်စီတ​ပ်နှင့် ပျူများသည် အနီးဝန်းကျင်ရွာများမှ ပြည်သူများ၏ အိုးအိမ်၊ ပစ္စည်းများ ဖျတ်ဆီးခြင်း၊ သိမ်းယူခြင်း၊ လက်နက်ကြီး၊ လက်နက်ငယ်များဖြင့် ပစ်ခတ်ခြင်းများကို နေ့စဉ်ပြုလုပ်နေကြောင်း၊ ယမန်နေ့ကလည်း ထိုသို့ပြုလုပ်ရန် ထွက်လာချိန် တိုက်ခိုက်ခဲ့ခြင်းဖြစ်ကြောင်း CLDFက ရှင်းပြသည်။

Public Service Announcement

Public Service Announcement

စစ်အုပ်စုဘက်က လက်နက်ကြီး၊ လက်နက်ငယ်များဖြင့် ရမ်းသမ်းပစ်ခတ်ပြီး သေ​ဆုံးသူများအား ကားဖြင့်လာရောက်ကောက်ယူသွားကြောင်းလည်း အသိပေးသည်။ ဖြစ်စဥ်နှင့်ပတ်သက်၍ CLDFထံ ဆက်သွယ်မေး​မြန်းထားပြီး ပြန်လည်ဖြေကြားခြင်း မရှိသေးပေ။

အဆိုပါ ပြောက်ကျားစစ်ဆင်ရေးကို ဇန်နဝါရီ ၇ရက်က ကျဆုံးခဲ့ရသည့် အာဇာနည်ရဲဘော် “ဋ” အတွက် ရည်ရွယ်၍ “ဋ စစ်ဆင်ရေး” ဟု အမည်တပ်ကာ ဆောင်ရွက်ခဲ့ခြင်းဖြစ်ပြီး ချောင်းဦးမြို့နယ် ဒေသခံကာကွယ်ရေးတပ်ဖွဲ့ (CLDF)နှင့် တော်လှန်ရေး ညီနောင်အင်အားစုများဖြစ်ကြသော မုံရွာခရိုင် အမှတ် (၁၂)တပ်ရင်း၊ တပ်ခွဲ (၃) – လျှပ်စီးတပ်ခွဲ တပ်ခွဲ (၄) – မီးတောက်တပ်ခွဲ၊ မုံရွာခရိုင် အမှတ် (၁၇)တပ်ရင်း၊ ရန်ရှင်း ဒေသကာကွယ်ရေးအဖွဲ့၊ Banana UG၊ ရှမ်းရှမ်းတောက် အထူးတပ်ဖွဲ့နှင့် ချောင်းဦးမြို့နယ်(ပ.လ.ဖ)တို့က ပူးပေါင်းဆောင်ရွက်ခဲ့ကြောင်း ထုတ်ပြန်ချက်တွင် ဖော်ပြသည်။

ချောင်းဦးမြို့နယ်၊ ကံကြီးကုန်းကျေးရွာရှိ ပျူစခန်းကို ပြီးခဲ့သည့် ၂၀၂၂ ဒီဇင်ဘာ ၂၅ ရက် ညကလည်း ဒေသကာကွယ်ရေးအဖွဲ့များက သွားရောက်တိုက်ခိုက်ခဲ့ရာ စစ်အုပ်စု ထိခိုက်သေဆုံးမှုများ ရှိခဲ့သည်။

ဆက်စပ်သတင်းများ

သတင်း

တိုက်ပွဲဝင် တပ်ဖွဲ့တစ်ခုဖြစ်သော ဗမာပြည်သူ့လွတ်မြောက်ရေးတပ်တော်(BPLA) ကွပ်ကဲရေးမှူး မောင်ဆောင်းခကလည်း ဖာပွန်ဒေသစစ်ရေး အခြေအနေကို ယနေ့ (မေလ ၂၃ရက်)တွင် လူမှုကွန်ရက်မှ တဆင့်အသိပေးခဲ့သည်။

သတင်း

ဝိုင်းမော်ဘက်ခြမ်း၌ တိုက်ပွဲပြင်းထန်နေ၍ မြစ်ကြီးနားမြို့ဘက်ခြမ်း၌ အစစ်အဆေးတင်းကြပ်နေ​ကာ ယ​နေ့ ည​နေပိုင်းမှစ၍ မြို့အဝင်အထွက်ကိုပိတ်ထား​ကြောင်းစစ်​ရေးရင်းမြစ်အချို့က ပြောသည်။

သတင်း

အာရက္ခတပ်တော် (AA)က နိုဝင်ဘာလကစပြီး ရခိုင်ပြည်နယ်မှာ စစ်ကောင်စီတပ်​တွေကို ပြန်လည် ထိုးစစ်ဆင် တိုက်ခိုက်လာသလို မြို့နယ်ပေါင်း ၁၀ ခုလောက်ကိုသိမ်းပိုက် ထိန်းချုပ်ထားပြီ ဖြစ်ပါတယ်။

သတင်း

တရုတ်ဟာ အရင်က ထားဝယ်ရေနက်ဆိပ်ကမ်း စီမံကိန်းအတွက် ထဲထဲဝင်ဝင် လေ့လာဆန်းစစ်မှုတွေ လုပ်ဆောင်ခဲ့ပေမယ့် နောက်ပိုင်းမှာတော့ ကျောက်ဖြူဖက်ကို လုံးလုံးလျားလျား အာရုံပြောင်းသွားခဲ့တာ ဖြစ်ပါတယ်။