စစ်ကိုင်းတိုင်း ကနီမြို့အထွက်တွင် အင်အား၅၀ခန့်ပါသော စစ်ကောင်စီတပ်နှင့်ပျူစောထီးပူးပေါင်းအဖွဲ့ကို ပြည်သူ့ကာကွယ်ရေးတပ်ဖွဲ့က ယနေ့ နံနက်ကတိုက်ခိုက်ခဲ့ရာ စစ်ကောင်စီဘက်က ငါးဦးထက်မနည်းသေဆုံးကြောင်း သတင်းရရှိသည်။
ယနေ့(ဖေဖော်ဝါရီ ၁၄ရက်) နံနက် ၈ နာရီခန့်က ကနီမြို့ အလယ်ကျွန်းပျုရွာသို့ လှည်း ခြောက်စီးဖြငင့် ရိက္ခာပို့သွားသော စစ်ကောင်စီတပ်နှင့်ပျူစောထီးပူးပေါင်းအဖွဲ့ကို ကျောက်လုံးကြီး KLG တပ်မဟာက တိုက်ခိုက်ခဲ့ခြင်းဖြစ်သည်။
“ကနီမြို့အထွက်တင်ဆိုတော့ အန္တရာယ်လည်းများတယ်။ ကျွန်တော်တို့ တပ်စိတ်တစ်စိပ်နဲ့ပဲ သွားချလိုက်တာ။ ရိက္ခာပို့သွားမယ်ကြားလို့ မိုင်းကြိုထောင်ပြီး သွားတိုက်လိုက်ခဲ့တာပါ” ဟု ကျောက်လုံးကြီး KLG တပ်မဟာ ပြန်ကြားရေးတာဝန်ခံက ပြောသည်။
တိုက်မိုင်းနှစ်လုံးကြိုတင်ထောင်ကာ အချိန်ကိုက်ဖောက်ခွဲပြီးနောက် လက်နက်ကြီး ၊လက်နက်ငယ်များဖြင့် ပစ်ခတ်ခဲ့ကြောင်း၊ တိုက်ပွဲဖြစ်ပွားချိန် ၁နာရီခန့်ကြာပြီး စစ်ကောင်စီဘက်က ငါးဦးထက်မနည်းသေဆုံးကာ လှည်းနှစ်စီး ပျက်စီးအောင် တိုက်ခိုက်နိုင်ခဲ့ကြောင်း ကျောက်လုံးကြီး KLG တပ်မဟာက သတင်းထုတ်ပြန်ထားသည်။
Public Service Announcement
