မန္တလေးမြတောင်ကျောင်းတိုက်အနီး တပ်စွဲထားတဲ့ စစ်ကောင်စီတပ် ဗုံးပစ်ခံရ

မန္တလေး မြတောင်ကျောင်းတိုက်အနီးမှာ တပ်စွဲထားတဲ့ စစ်ကောင်စီတပ်ဖွဲ့ဝင်တွေရှိရာနေရာကို မနေ့က စက်တင်ဘာလ ၁၅ ရက်ညပိုင်းက ဗုံးပစ်ခံရပြီး ပေါက်ကွဲမှုဖြစ်ပွားခဲ့တယ်လို့ သတင်းရရှိပါတယ်။

မဟာအောင်မြေမြို့နယ်၊ ၃၅လမ်း ၈၆လမ်းထောင့် မြတောင်တိုက်အနီးမှာတပ်စွဲထားတဲ့ ဂိတ်နေရာကို ည၉နာရီလောက်က ဗုံးပစ်ခံခဲ့ရတာပါ။

ပေါက်ကွဲမှုကြောင် သေဆုံးသူရှိခဲ့တယ်လို့သတင်းထွက်ခဲ့ပေမယ့် သီးခြားအတည်မပြုနိုင်သေးပါဘူး။

” ပေါက်ကွဲတဲ့အသံတော့ အကျယ်ကြီးကြားလိုက်ရတယ် ထိခိုက်တဲ့သူတွေကိုသယ်သွားတယ်ဆိုတာတော့ တွေ့လိုက်ရတယ်” လို့အနီးဝန်းကျင်တွင်နေထိုင်သူတစ်ဦးကပြောပါတယ်။

Public Service Announcement

မြတောင်သပိတ်ဟာသံဃာတော်တွေ ဦးဆောင်ပြုလုပ်တဲ့ ဆန္ဒပြသပိတ်လည်းဖြစ်ပါတယ်။

ဒီသပိတ်ဟာ ရိုက်နှက်ဖမ်းဆီးတာတွေ ရှိနေတဲ့ကြားက အရှိန်မပျက် ဆက်လက် ဆန္ဒထုတ်ဖော်နေတဲ့သပိတ်လည်းဖြစ်ပါတယ်။

ဒါကြောင့် စစ်ကောင်စီဟာဆိုရင် မြတောင်ကျောင်းတိုက် အနီး မှာ စောင့်ကြည့်တာတွေပြုလုပ်နေတယ်လို့သိရပါတယ်။

ပေါက်ကွဲမှုဖြစ်ပွားခဲ့လို့ လက်ရှိမှာတော့ စစ်ကောင်စီတပ်ဖွဲ့ဝင်တွေကို တိုးမြှင့်ချထားတယ်လို ဒေသခံတွေကပြောပါတယ်။