စစ်ကောင်စီ လက်နက်ကြီးဆက်တိုက်ပစ်ခတ်နေ၍ ပြည်သူများ သတိပြုနေထိုင်ရန် ထုတ်ပြန်
စစ်ကောင်စီ လက်နက်ကြီးဆက်တိုက်ပစ်ခတ်နေ၍ ပြည်သူများ သတိပြုနေထိုင်ရန် ထုတ်ပြန်ချင်းပြည်နယ်နှင့် မကွေးတိုင်းနယ်စပ်တစ်နေရာ၌ တိုက်ပွဲပြင်းထန်နေကြောင်း မင်းတပ် ချင်းကာကွယ်ရေးတပ်(CDF)က သတင်းထုတ်ပြန်သည်။
မင်းတပ် CDF၊ ယောဒေသ ကာကွယ်ရေးပူးပေါင်း မဟာမိတ်တပ်ဖွဲ့ နှင့် စစ်ကောင်စီတို့ ယနေ့ ဧပြီ ၇ရက် နံနက်မှစ၍ တိုက်ပွဲဖြစ်ပွားနေကြောင်း အသိပေးထားပြီး အသေးစိတ် အခြေအနေများကို ဖော်ပြမထားပေ။
မင်းတပ်မြို့အခြေစိုက် စစ်ကောင်စီတပ် ခလရ(၂၇၄) တပ်ရင်းရှိ စစ်ကောင်စီတပ်က မင်းတပ် မြို့နယ် ကျေးရွာများဘက်သို့ လက်နက်ကြီးဖြင့် ရည်ရွယ်ချက်ရှိရှိ ဆက်တိုက်ပစ်ခတ်နေ၍ ပြည်သူများ အနေဖြင့် ယခုရက်ပိုင်း လူစုလူဝေး ပြုလုပ်ခြင်း၊ ရိုးရာပွဲသဘင် ပြုလုပ်ခြင်းများ ရှောင်ကြဉ်ကြရန် မင်းတပ် CDFက အရေးပေါ် အသိပေးချက်ထုတ်ပြန်ထားသည်။
“ဆောမြိုနယ်၊ ထီလင်းနယ်ဘက်က တက်လာတဲ့စကစပါ။ မင်းတပ်မြို့နယ်ထဲ တစ်မိုင်ခန့်လောက်ဝင်လာတာ”ဟု မင်းတပ် ချင်းကာကွယ်ရေးတပ်(CDF)မှ တာဝန်ရှိသူတစ်ဦးက ပြောသည်။
Public Service Announcement
အဆိုပါ စစ်ကြောင်းသည် အင်အား ၈၀ခန့်ပါဝင်ပြီး စစ်ကောင်စီတပ်သည် ယမန့်နေက ချင်းပြည်ဘက်သို့ရောက်ရှိလာသော်လည်း ချင်းပြည်ဆက်တက်မည် မဟုတ်ကြောင်း ၎င်းကသုံးသပ်သည်။
မကြာသေးမီ ရက်ပိုင်းများကလည်း ချင်း-မကွေးနယ်စပ် ယောဒေသဖြစ်သည့် ဆောမြို့နယ် အတွင်း တိုက်ပွဲများ ဖြစ်ခဲ့ရာ စစ်ကောင်စီတပ်ကို CDF၊PDF အပါအဝင် မဟာမိတ် ပူးပေါင်းတပ်က တိုက်ခိုက်ခဲ့ရာ စစ်ကောင်စီတပ်ထိခိုက်သေဆုံးရှိခဲ့ကြောင်း ဆော PDF တာဝန်ရှိသူတစ်ဦးက ပြောကြားထားသည်။
