အလုံဓာတ်အားပေးစက်ရုံ မီးအကြီးအကျယ်လောင်နေ

ရန်ကုန်တိုင်း၊ အလုံမြို့နယ် ကမ်းနားလမ်းမှာရှိတဲ့ ဓာတ်အားပေးစက်ရုံဟာ ဒီနေ့ ညပိုင်း ၆ နာရီခွဲခန့်က မီးလောင်နေပါတယ်။

ညပိုင်း ၇ နာရီဝန်းကျင်ထိ မီးမငြိမ်းသေးဘဲ Level 3 အဆင့်နဲ့ ငြိမ်းသတ်နေရတယ်လို့ မီးလောင်ပြင်ကို ရောက်ရှိနေတဲ့ မီးသတ်တပ်ဖွဲ့ဝင်တစ်ဦးက Live လွှင့်ပြီးအသိပေးပါတယ်။

မီးလောင်ပြင်ကို တိုက်ရိုက်ရိုက်ကူးပြီးလွှင့်ထားတဲ့ ရုပ်သံဖိုင်အရ မီးအကြီးအကျယ်လောင်ကျွမ်းနေတာတွေ့ရပါတယ်။

မီးလောင်ရတဲ့အကြောင်းရင်းကိုမသိရသေးပါဘူး။

Public Service Announcement

စစ်တပ်အာဏာသိမ်းပြီးနောက် မြန်မာနိုင်ငံရဲ့စီးပွားရေးမြို့တော်ရန်ကုန်အပါအဝင် နိုင်ငံအဝှမ်း မီးပျက်တာကို အဆိုးရွားဆုံးကြုံနေရတာပါ။

ဒီနှစ် ပွင့်လင်းရာသီမှာ မြို့ပြတွေမှာ မီးပျက်တာဟာ ယခင်နှစ်တွေက ထက် ပိုမိုဆိုးရွားလာပြီး နေ့စဉ် နာရီပိုင်းသာ လျှပ်စစ်မီးရတဲ့အခြေအနေကို ရင်ဆိုင်နေကြရပါတယ်။