အဖွဲ့တံဆိပ်ကို မလျော်ကန်တဲ့နည်းနဲ့အသုံးပြုတာမတွေ့ရသေးဘူးလို့ WFP ပြန်ရှင်း

စစ်တပ်အာဏာသိမ်းထားတဲ့ မြန်မာနိုင်ငံမှာ ကုလသမဂ္ဂ အမှတ်တံဆိပ်ကို မလျော်ကန်တဲ့ နည်းလမ်းနဲ့ အသုံးချတဲ့ အထောက်အထား မတွေ့ရသေးဘူးလို့ ကမ္ဘာ့ စားနပ်ရိက္ခာအစီအစဉ်အဖွဲ့ (WFP) ရဲ့ မြန်မာနိုင်ငံဆိုင်ရာ ဌာနကိုယ်စားလှယ် က ပြောပါတယ်။

WFP အမှတ်တံဆိပ် ကပ်ထားတဲ့ ကားတွေနဲ့ စစ်တပ် ရိက္ခာသယ်တယ်ဆိုတဲ့ သတင်းတွေ ထွက်လာနေချိန်မှာ WFP ရဲ့ဖြေရှင်းချက်ထွက်လာတာပါ။

အဖွဲ့အစည်း အမှတ်တံဆိပ်ကို အသုံးပြုထားတယ်ဆိုတဲ့ အထောက်အထား ခိုင်ခိုင်လုံလုံ ဒီနေ့ အချိန်ထိ မတွေ့ရသေးဘူးလို့လည်း WFP ကဆိုပါတယ်။

သက်သေအထောက်အထား တစုံတရာ ရှိရင် WFP မြန်မာ ရုံးကို ဆက်သွယ်ပေးပို့နိုင်တယ်လို့ WFP ရဲ့ ဌာနကိုယ်စားလှယ်က ပြောပါတယ်။

Public Service Announcement

WFP အနေနဲ့ စားနပ်ရိက္ခာ ထောက်ပံ့ရာမှာ ရပ်ရွာလူထုရဲ့ ကူညီမှုကို အားကိုးအားထားပြုပြီးလုပ်ကိုင်နေတယ်လို့ ဆိုပါတယ်။

ဒီနှစ် ထဲမှာ အကူအညီလိုအပ်နေတဲ့ လူဦးရေ ၄ သန်းခွဲဆီ အသက်ကယ်ဆယ်ရေး အကူအညီတွေ ကို လူသားချင်းစာနာထောက်ထားမှုအဖွဲ့အစည်းတွေနဲ့ ထောက်ပံ့မယ်လို့သိရပါတယ်။

ဒါပေမယ့် ပဋိပက္ခဒဏ်ခံနေရတဲ့ ဒေသတွေကို သွားရောက်ကူညီခွင့်ရဖို့ ကန့်သတ်ချက် တွေ ရှိနေတယ်လို့ လည်း သိရပါတယ်။

ဓာတ်ပုံ − WFP မြန်မာ