အမျိုးသားညီညွတ်ရေးအစိုးရရဲ့ တောင်ကိုရီးယားနိုင်ငံဆိုင်ရာ ကိုယ်စားလှယ်ရုံးကို မနေ့ကဖွင့်လှစ်ခဲ့တယ်လို့ ကိုယ်စားလှယ်ဦးရန်နိုင်ထွန်းက အသိပေးထားပါတယ်။
NUG ကိုယ်စားလှယ်ရုံးဖွင့်ပွဲကို တောင်ကိုရီးယားသမ္မတရုံးနိုင်ငံရေးအကြံပေးအဖွဲ့နာယက ပါမောက္ခဘအွန်းဟွန်း အပါအဝင် အနိုင်ရပါတီကတာဝန်ရှိသူတွေတက်ရောက်ခဲ့ပြီး NUG နိုင်ငံခြားရေးဝန်ကြီး ဒေါ်ဇင်မာအောင်ကလည်း သဝဏ်လွှာပေးပို့ခဲ့ပါတယ်။
မြန်မာနိုင်ငံသူ၊ နိုင်ငံသားတို့ရဲ့ အန္တိမနိုင်ငံရေးပန်းတိုင်ဖြစ်တဲ့ဖက်ဒရယ်ဒီမိုကရေစီစနစ်ထူထောင်ရေး၊ အာဏာ သိမ်းစစ်ကောင်စီပြုတ်ကျရေးအတွက် နိုင်ငံတကာမိတ်ဖက်နိုင်ငံတွေနဲ့ ပြည်ပရောက်မြန်မာနိုင်ငံသားတို့ရဲ့အား ပေးထောက်ခံမှုဟာ သံတမန်မျက်နှာစာမှာ တိုက်ပွဲဝင်နေတဲ့နိုင်ငံခြားရေးဝန်ကြီးဌာနရဲ့ အဓိကပင်မ အသက်သွေး ကြောပင်ဖြစ်တယ်လို့ ဒေါ်ဇင်မာအောင်က ပြောပါတယ်။
တောင်ကိုရီးယားဟာ မြန်မာ့ဒီမိုကရေစီအရေး တတ်နိုင်တဲ့ဘက်ပေါင်းစုံကနေ အားပေးထောက်ခံကူညီမယ်လို့ ပြောဆိုထားပြီး အမျိုးသားညီညွတ်ရေးအစိုးရ NUG ၊ ပြည်ထောင်စုလွှတ်တော်ကိုယ်စားပြုကော်မတီ CRPH တို့နဲ့ ထိတွေ့ဆက်ဆံနေပါတယ်။
Public Service Announcement
