Connect with us

Hi, what are you looking for?

သတင်း

ဒိုက်ဦးထောင်မှာ ထောင်ပြောင်းချိန် သတ်ဖြတ်ခံရသူ နိုင်ကျဉ်း ၁၂ ဦးထိရှိလာ

ဒီနေ့ ဇူလိုင်လ ၂၇ ရက်ဟာ ဒိုက်ဦးထောင်ကနေ နိုင်ငံရေးအကျဉ်းသား ၃၇ဦး ထောင်ပြောင်းရွှေ့မယ်ဆိုပြီး ခေါ်ထုတ်ခံရတာ တစ်လပြည့်တဲ့နေ့လည်းဖြစ်ပါတယ်။

ဒိုက်ဦးထောင်မှာ ထောင်ပြောင်းချိန် သတ်ဖြတ်ခံရသူ နိုင်ကျဉ်း ၁၂ ဦးထိရှိလာ
ဒိုက်ဦးထောင်မှာ ထောင်ပြောင်းချိန် သတ်ဖြတ်ခံရသူ နိုင်ကျဉ်း ၁၂ ဦးထိရှိလာ

ပဲခူးတိုင်း၊ ဒိုက်ဦးထောင် (ကျိုက်စကော) ကနေ ထောင်ပြောင်းရွှေ့ချိန် သတ်ဖြတ်ခံရသူ နိုင်ငံရေးအကျဉ်းသားဦးရေဟာ ၁၂ ဦးထိရှိလာပြီလို့ မြန်မာနိုင်ငံလုံးဆိုင်ရာ နိုင်ငံရေးအကျဉ်းသားများ ကွန်ရက်က ဒီနေ့မှာ ထုတ်ပြန်ပါတယ်။

သတ်ဖြတ်ခံရသူ ၁၂ ဦးအနက် ၁၀ ဦး ရဲ့သတင်းကို မိသားစုနဲ့နီးစပ်သူတွေထံက အတည်ပြုနိုင်ထားပြီး ကျန်တဲ့၂ ဦး သတင်းလည်း ထပ်မံ အတည်ပြုနိုင်ဖို့ ကြိုးပမ်းနေတယ်လို့ဆိုပါတယ်။

ဒီနေ့ ဇူလိုင်လ ၂၇ ရက်ဟာ ဒိုက်ဦးထောင်ကနေ နိုင်ငံရေးအကျဉ်းသား ၃၇ဦး ထောင်ပြောင်းရွှေ့မယ်ဆိုပြီး ခေါ်ထုတ်ခံရတာ တစ်လပြည့်တဲ့နေ့လည်းဖြစ်ပါတယ်။

ပြီးခဲ့တဲ့ ဇွန်လ ၂၇ ရက်ညသန်းခေါင်ယံမှာ ဒိုက်ဦးထောင် အဆောင် (၁) နဲ့အဆောင် (၂) က နိုင်ငံရေးအကျဉ်းသား ၃၇ ဦးကို ထောင်ပြောင်းမယ်ဆိုပြီး ခေါ်ထုတ်ခံရတာလို့ မြန်မာနိုင်ငံလုံးဆိုင်ရာ နိုင်ငံရေးအကျဉ်းသားများ ကွန်ရက်က ထုတ်ပြန်ချက်မှာဖော်ပြပါတယ်။

Public Service Announcement

Public Service Announcement

Public Service Announcement
Public Service Announcement

အဲဒီနောက် ရက်သတ္တပတ်အကြာမှာတော့ သေဆုံးသူအချို့ရဲ့ မိသားစုတွေထံ အကျဉ်းထောင်ကအကြောင်းကြားစာပေးပို့တာတွေရှိခဲ့ပါတယ်။

စာထဲမှာ ထောင်ပြောင်းချိန် ကားမှောက်ရာမှာ ထွက်ပြေးလို့ ပစ်ခတ်ဖမ်းဆီးချိန် သေဆုံးသွားတာလို့ မိသားစုကို အကြောင်း ပြထားတာပါ။

သတ်ဖြတ်ခံရသူ ၁၂ ဦး ဟာ ကိုခန့်လင်းနိုင် ၊ ကိုပြည့်ဖြိုးဟိန်း ၊ ကိုရာလေး ၊ကိုဂျာကြီး ၊ကိုဇင်ဝင်းထွဋ် ၊ ကိုအောင်မျိုးသူ ၊ ကိုဘိုဘိုဝင်း ၊ကိုအာကာထက်ပိုင်မျိုး ၊ကိုအေးကို ၊ ကိုမင်းမျိုး၊ကိုဇီလောင်း ၊ ကိုမင်းဘုန်းမဟာတို့ဖြစ်တယ်လို့ မြန်မာနိုင်ငံလုံးဆိုင်ရာ နိုင်ငံရေးအကျဉ်းသားများ ကွန်ရက်က ထုတ်ပြန်ချက်မှာဖော်ပြပါတယ်။

အဲဒီ ၁၂ ဦးအနက် ကိုမင်းဘုန်းမဟာ နဲ့ ကိုဇီလောင်း တို့ သတင်းကို ထပ်မံအတည်ပြုနိုင်ဖို့ကြိုးပမ်းနေတယ်လို့ ဆိုထားပါတယ်။

စစ်ကောင်စီဘက်ကတော့ ဒိုက်ဦးထောင်ဖြစ်စဉ်နဲ့ပတ်သက်ပြီး သတင်းအမှောင်ချထားပါတယ်။

ဆက်စပ်သတင်းများ

သတင်း

အာဏာသိမ်း စစ်တပ်ရဲ့ လွတ်ငြိမ်းပေးမှုကြေညာချက်နဲ့ အမှန်တကယ်လွတ်မြောက်လာတဲ့ နိုင်ငံရေးအကျဉ်းသားအရေအတွက် ကွဟာချက်တွေရှိနေပြီး နိုင်ငံရေးအကျဉ်းသားပါဝင်မှုမှာလည်း အလွန်နည်းပါးကြောင်း မြန်မာနိုင်ငံလုံးဆိုင်ရာ နိုင်ငံရေးအကျဉ်းသားများကွန်ရက် (PPNM)က ဒီကနေ့ အောက်တိုဘာ ၃၀ ရက်မှာ သတင်းထုတ်ပြန်ပါတယ်။

သတင်း

နိုင်ငံရေးအကျဉ်းသားတွေ လွတ်မြောက်ရေးအတွက် စိုးရိမ်ကြောင်းပြောဆိုနေရုံနဲ့ မလုံလောက်ဘဲ လက်တွေ့ကျတဲ့ အရေးယူဆောင်ရွက်မှုတွေ လုပ်ဆောင်ပေးဖို့ နိုင်ငံတကာအသိုင်းအဝိုင်းကို မြန်မာနိုင်ငံလုံးဆိုင်ရာ နိုင်ငံရေးအကျဉ်းသားများကွန်ရက် (PPNM)က တောင်းဆိုလိုက်ပါတယ်။

သတင်း

စစ်ကိုင်းတိုင်း ကလေးမြို့ ကလေးအကျဉ်းထောင်အတွင်း အာဟာရပြတ်လပ်မှုနဲ့ ကျန်းမာရေးစောင့်ရှောက်မှု မရှိတာ၊ အာဏာပိုင်တွေက ဖိနှိပ်တာ၊ ရိက္ခာ ခေါင်းပုံဖြတ်တာတွေကြောင့် အိန္ဒိယနိုင်ငံသား အပါအဝင် အကျဉ်းသား ၇ဦး ဒီနှစ်အတွင်း သေဆုံးခဲ့ရကြောင်း ကလေးမြို့လူထုတိုက်ပွဲဦးဆောင်ကော်မတီက ထုတ်ပြန်ပါတယ်။

သတင်း

မြန်မာနိုင်ငံအလယ်ပိုင်းရှိ မကွေးထောင်မှာ ထောင်တွင်း ဖိနှိပ်မှုတွေ တင်ပြဖို့အားထုတ်သူနိုင်ငံရေးအကျဉ်းသားအမျိုးသားကိုထောင်ဝန်ထမ်းတွေဝိုင်းဝန်းရိုက်နှက်တိုက်ပိတ်ထားတယ်လို့ မြန်မာနိုင်ငံလုံးဆိုင်ရာ နိုင်ငံရေးအကျဉ်းသားများကွန်ရက်(PPNM) က ဒီနေ့ (အောက်တိုဘာ ၁၈ ရက်) မှာ သတင်းထုတ်ပြန်ထားပါတယ်။