'/%3E%3C/svg%3E){kind=small}
နေပြည်တော်ရှိ မှု့ခင်းစုံစမ်းရေးဌာန (CID)ရုံးတွင် ယနေ့ပေါက်ကွဲမှုဖြစ်ပွားပြီး အရာရှိတစ်ဦးအပါအဝင် ရဲအချိူ့ ဒဏ်ရာရရှိခဲ့သည်။
နေပြည်တော်ရှိ ရုံးအမှတ် (၄၅) ပြည်ထဲရေးဝန်ကြီးဌာန၊မှု့ခင်းစုံစမ်းရေးဌာန(CID) ရုံးခန်းအတွင်း ယနေ့ (အောက်တိုဘာ ၅) ညနေ (၄)နာရီခန့်က ပေါက်ကွဲမှုတစ်ခုဖြစ်သွားခဲ့ပြီး ဒုရဲမှုးကြီးတစ်ဦးအပါအဝင် ရဲအချို့ထိခိုက်ဒဏ်ရာရရှိခဲ့ကြောင်း PDF Channel
နှင့် ဒေသခံတို့က ပြောသည်။ ပေါက်ကွဲမှုကို မည်သူက လုပ်ခဲ့ကြောင်းကိုမူ မသိရှိရသေးပါ။
နယ်မှပေးပို့လာသော သက်သေခံပစ္စည်း ပါဆယ်ထုပ်ကိုဖွင့်ဖောက်စစ်ဆေးရာမှ ပေါက်ကွဲမှုဖြစ်သွားခဲ့ပြီး ရဲအရာရှိကြီးတစ်ဦးအပါအဝင် ရဲဝန်ထမ်းအချို့ ဒဏ်ရာရရှိခဲ့ခြင်းဖြစ်သည်ဟုဆိုသည်။
မွန်းလွဲပိုင်းကလည်း လူဝင်မှုကြီးကြပ်ရေးနှင့်ပြည်သူ့အင်အားဦးစီးဌာန ဝန်ထမ်းဖယ်ရီကားအောက်တွင် ပေါက်ကွဲမှုတစ်ခုဖြစ်ခဲ့ပြီး လူထိခိုက်မှုမရှိကြောင်း ဒေသခံတို့က ပြောသည်။
Public Service Announcement
ထို့အပြင် နေပြည်တော်သပြေကုန်းရှိ မြန်မာ့အသံသတင်းထောက်တစ်ဦးဆိုသူလည်း သေနတ်ဖြင့်ပစ်သတ်ခံရသည်ဟု သတင်းများထွက်ပေါ်နေကြောင်း ဒေသခံများက ပြောသည်။
