စစ်အာဏာသိမ်းမှုဆန့်ကျင်ရေးကော်မတီ(ကိုရီးယား)အဖွဲ့ဝင်တွေဟာ တောင်ကိုရီးယားနိုင်ငံဆိုင်ရာ မြန်မာကိုယ်စားလှယ်ရုံးငှားရမ်းဖို့ စပေါ်ငွေ ဝမ်သိန်း ၁၀၀ ပံ့ပိုးပေးခဲ့ပါတယ်။
အမျိုးသားညီညွတ်ရေးအစိုးရ NUG ရဲ့ ကိုယ်စားလှယ်ရုံးအတွက် စစ်အာဏာသိမ်းမှုဆန့်ကျင်ရေးကော်မတီ(ကိုရီးယား)အဖွဲ့ဝင်တွေက စပေါ်အဖြစ် ဝမ်သိန်း ၁၀၀ ကို တစ်နှစ်တာ ပံ့ပိုးပေးတဲ့အတွက် ကျေးဇူးတင်ကြောင်း မြန်မာကိုယ်စားလှယ် ဦးရန်နိုင်ထွန်းက ထုတ်ပြန်ထားပါတယ်။
စစ်အာဏာသိမ်းမှုဆန့်ကျင်ရေးကော်မတီ(ကိုရီးယား)ဟာ One Day Challenge လှုပ်ရှားမှုနဲ့ NUG ကို အမေရိကန်ဒေါ်လာ ၁ သိန်း စတင်ထည့်ဝင်လှူဒါန်းထားပြီး One Day Challenge မန်ဘာဝင်တွေရဲ့ ထည့်ဝင်ငွေနဲ့ NUG ကို လစဉ် ဘဏ္ဍာရန်ပုံငွေ ဝမ် ၁၂၃,၆၄၀,၀၀၀ ထောက်ပံ့နိုင်မယ်ဆိုပါတယ်။
One Day Challenge လှုပ်ရှားမှုဟာ တောင်ကိုရီးယားရောက်မြန်မာတွေက သူတို့လစာထဲက လစာရဲ့တစ်ရက်စာကို NUG ကို လှူဒါန်းဖို့ ထည့်ဝင်ကြတာဖြစ်ပြီး အောက်တိုဘာ ၉ ရက်အထိ အဲဒီလှုပ်ရှားမှုမှာ ကိုရီးယားရောက် မြန်မာ နိုင်ငံသားအဖွဲ့ဝင် ၁,၃၁၇ ဦးရှိနေပြီလို့ ထုတ်ပြန် ထားပါတယ်။
Public Service Announcement
