'/%3E%3C/svg%3E){kind=small}
ကရင်နီ(ကယား)ပြည်နယ် ဖရူဆိုမြို့နယ်တွင် အကြမ်းဖက်စစ်ကောင်စီတပ်က လက်နက်ကြီးဖြင့် ရမ်းသမ်းပစ်ခတ်၍ ဖရူဆိုမြို့ရှိ ကတ်သလစ်ဘုရားရှိခိုးကျောင်း ထိခိုက်ပျက်စီးမှုဖြစ်ခဲ့ဟု ကရင်နီအမျိုးသားကာကွယ်ရေးတပ်ဖွဲ့(KNDF) ဖရူဆိုဇုန်က ထုတ်ပြန်သည်။
ယနေ့(အောက်တိုဘာ၁၃)ညနေပိုင်းတွင် ဖရူဆိုမြို့ထဲသို့ စစ်ကောင်စီတပ်က လက်နက်ကြီး လက်နက်ငယ်များဖြင့် ပစ်ခတ်ခဲ့ခြင်းဖြစ်သည်ဟု ဆိုသည်။
မွန်းလွဲ ၂နာရီခွဲ ဝန်းကျင်ကလည်း လက်နက်ကြီးပစ်ခတ်၍ နေအိမ်တစ်လုံးထိခိုက်ခဲ့ကြောင်း၊ မြို့ပေါ် ရက်ကွက်အချို့ပေါ် လက်နက်ကြီးကျည်ကျရောက်ပေါက်ကွဲခဲ့ကြောင်း ဖော်ပြထားသည်။
